拖假餌060---假餌轉不停

拖假餌060---假餌轉不停
日期：2015-3-20
時間：1730-2100
流水：生流，水漲0.8-2.2m，右向左流
假餌：深潛吞拿魚色
釣具：8尺橫攪路亞竿
釣場：石壆腳邊
手法：慢拖均速
中魚時間：8點到
根據上次經驗，想容易拖到鱸，有流係好重要，仲要有大量魚仔仲好。好期待今晚會有好成績。趁有陽光，先去最出嘅轉灣位睇睇，因為晚上果到會好黑，同唔會有人，先睇下環境先好。
一路行過去，一路睇住下面個海。嘩！今次冇死囉！出面行晒流，一條條水紋仲有旋渦添。
可惜太遠，唔論到我玩！終於行到最出嘅外灣位，腳下已經有唔錯嘅流水。水仲好清下。
去到開好竿立即打幾兩下，就見到右手邊對出有魚打水添！正！
可惜，試左一輪，係咁轉假餌都冇魚咬。
逆流，順流，打正出，打斜出，貼石壆拖，又快又慢。手法盡出！
上中下，又軟又硬嘅假餌都試晒，冇隻得！
到底出面嘅係乜野魚呢？會打水，唔咬餌，冇符！
見就黑齊，都係留番下次再搵答案！一放轉位，去渠口睇下會唔會情況好D。
坐地鐵時都見到渠口有四五個人，去到一定會有點子多人，所以都係去睇下啫！
果然，一去到見到最少有五位師兄釣緊。
有兩位大叔打沉底，最少有五個轆放左係地下，三支投竿。
算啦！玩下啫！我知佢地會差唔多走，因為天黑了，一定走人。
另外，兩位原來係玩假餌，同一位玩磯釣腳邊。真係乜都齊！
由於人多，就係沉底亞叔左邊玩一陣，等佢地走人。
眼見腳邊至渠口位都有流同魚仔群，仲不時有扛打水。不過水就比較混俗。
亞叔叔走左之後，係渠口拖左一陣，都係冇反應，真奇怪！唔理咁多，又轉去內灣位玩。
去到，情況都差唔多，水色灰灰黃黃咁，有魚仔有流有魚打水，
仲有幾下係石邊到打水，都係唔咬假餌。
當然係唔服氣，條氣唔多順！係咁轉假餌。（最後洗假餌時計過，全晚換過13隻假餌。）
由於呢個位係有大街燈照住，個場又淺水，心諗：用番上次隻深潛貼石慢拖，得唔得呢！？
打到第三槍，中！一條斤頭百花鱸就咁上左水！
拖多一陣，見有魚就算！總算冇白費到不停轉假嘅努力，唯有下次再研究過！

總結今晚行程，
1/有流，水清，有大量魚仔，唔會食假野？
2/有流，水俗，有強燈光，慢拖反而食自然色？
唔通魚仔多，太多食物唔食假野？

隨後補相！

FELIX你每篇釣行都好用心寫,讚!!

FELIX009 發表於 23/3/2015 08:08
隨後補相！

多謝分享

多謝長盡的分享

讚

我都係喺度不斷摸索中。好多時真係成晚先中得一條。

多謝分享！