今晚放工再去夜釣

今朝周嘉儀同我講夜晚又轉涼 , 得返 13℃ , 涌尾應該再底多幾度 , 但之前已經約好哂o的釣腳去釣魚 , 會唔會又中水魚一個鐘後去打邊爐呢

噢 期待樓主o既續集!

o個晚又唔太凍喎 , 食完飯就直入涌尾 , 先用花生乎加蝦粉打窩 , 頭個幾鐘吹水 , 釣友 J 話我放o左咁耐好換下粉啦 , 咁我當然唔理佢啦 , 懶攪呀嗎 , 有就有無就無架啦.....  , 唔夠 5 分鐘支竿有料到 , 當時我都無理佢 , 因為我係到講電話  , 諗住無乜力水 , 刀黎o者 , 我叫個有經驗o既人幫我起  , 一起即叫開網開燈 , 中大野  , 又黎水魚唔通........一開電燈就見到條兩尺到長o既大錦鯉... 開得網黎重要落去準備 , 點知落到去條魚見人一發力........ 鯉魚即係鯉魚 , o的力真係強勁o的o既
有大野我地都有返o的心機 , 再過半個鐘 , 吹水吹得好開心之際 , 釣友 L 支竿變o左 U 字之後連個竿架一齊唔見o左 , 前後唔到 3 秒 , 咁就無o左支千幾蚊o既竿啦   O 哂咀咁照下見咁見係水面啦 , 原來未入水 , 重係個邊到 , 只係半支入o左o者  , 釣友 J 一支箭咁就沖後去  , 見佢一手囉起支竿 , 之後條絲就向水中心走 , 又係一下就斷 , 直頭係怪物 , 邊有咁大力架......
再中大魚信心又增強 , 等下半個鐘又半個鐘 , 風又進一步增強 , 暖包都好似無乜作用 , 時間又已經差唔多 3 點......收皮走人.....又白果

[ 本帖最後由 koenig 於 2008-12-8 09:32 編輯 ]

師兄、涌尾０既鯉魚好勁０架、我斷兩ロ至上到一條、真係好好玩

可能o的絲都係時候要換啦 , 無理由一發力就斷架嗎 , 之前一晚中 6 口 , 一條都無失過 , 依家連續 3 個星期中怪獸見到都上唔到.......