第一次踏足柴倉,冇去石駁,去左直駁

住左係附近咁多年都冇入過去,最近聽人講內塘好多黃腳,睇地圖先知原來可以就咁行入去
地下有玻璃碎,又有炭,不過睇落都乾淨,夏天就難講啦
水深約4米,水位都幾高
水面長期有陣油係面,駁中間位有去水管去水落海,仲要有舊屎漂過
今日由2點釣到5點
初到步用死蟲係兩個唔同既位釣左兩口,兩下都食得幾大力,不過冇抽,之後就後悔了
因為佢地好似發現有伏咁,好精口,一下一下咁食,遇到小小阻力即放,小弟枝大陸筏仔實在唔夠揪
不過習性都正常,的蟲咁的佢反而好有食慾,
全日釣左4~5條石狗
期間除左底水石狗,中水都有過咬口,大大力咬,不過唔係搶,所以冇揪,結果都係釣唔到
水面不時有大泥孟遊過,又有白色小魚影,睇落都幾吸引
一粒3B夾鉛試過,兩粒夾鉛試過,3粒都試過,分開小小夾試過,一齊夾試過,
都係大粒D直落,咬口密D
後期有用2B慢慢落入,糖漿南極蝦,泥孟都會食,落深D都會有極度微弱既咬訊係竿頭出現
臨走前上石駁睇睇,見到有人中左條深紅色,完完整整一隻手掌大既魚
全日淨係釣到石狗依種底層魚,真係同志仍須努力

11CM石狗都幾好飛,一揪果下已經打橫片,仲以為係第二D魚,上到水面都仲有力打橫片,勁呀

恭喜

多謝分享

恭喜,我都想去試下

多謝分享!!!

邊到來？

我以前成日釣依道,，勝在成日都有黃腳仔釣，久唔久仲會有D大野玩下，不過D水質真係..................
連死貓死狗都見過

水質睇落都係藍藍綠綠,清清地咁,係表面有陣油咁解,另一邊垃圾數量嚴重D,不過
傳說中的柴倉,紅友牛屎之地,亦因此斷絲棄鉛冇數,
俾你中條班,幾大條都唔知要唔要好
食得多真係變貝多芬,中鉛毒

多謝分享！

弓喜! 弓喜!