超凍涌尾食白果

koenig · 發表於 1/12/2008 11:45:19

上星期五晚超凍涌尾釣魚 , 由開粉到收皮前後兩個鐘內完成。

有個 fr 一路無開竿 , 坐o左半粒鐘先開始 , 個爆炸鉤落水唔夠兩分鐘就有野咬 , 見佢一揪就話....小....中地球 , 收皮出去打邊爐 , 見佢一路行就一路收 , 收收下就叫人開網電箇 , 中大魚呀.... U 哂竿咁中魚 , 但又唔見條魚飛水 , 攪o左成個字終於見到野啦......成隻生鐵鑊咁大o既水魚。又攪多個幾字先拉到去邊 , 隻水魚非常之大力 , 有野比佢o的手腳抹到就即時出返水到中心 , 拉到佢去淺水o的o既地方諗住落網捉.......佢一口就咬落個網到 , 拍一聲.....個網玩完 , 水魚轉身就走o左 , 爆炸鉤無o左兩個鉤....

個水魚頭好似我個拳頭咁大 , o的手腳有包煙咁闊 , 個身就生鐵鑊咁大 , 都好難估到佢有幾重啦 , 如果上到水都唔知會唔會比佢咬哂o的腳趾

玩完水魚本來都想玩多陣 , 但o的風真係好 Q 凍 , 最後都走o左去大埔中心打邊爐....

HaZEL..SaM · 發表於 1/12/2008 13:26:50

前兩日睇報紙有人俾隻"山瑞"咬左隻腳趾...好可怕..

不過我都好想釣番隻玩玩...師兄用咩野"利"嫁??

koenig · 發表於 1/12/2008 13:45:22

佢應該係游過中鉤多啦 , 水魚好似係肉食性o既 , 我地用粉釣。

我地係一邊用士多啤利味o既麥片打魚窩 , 之後就用花生乎釣 ,

7-UP · 發表於 1/12/2008 13:50:48

如果捉到隻水魚都幾補身

koenig · 發表於 1/12/2008 15:06:48

囉去打邊爐就爽啦....十幾廿人都夠食呀

亞昌 · 發表於 1/12/2008 18:20:07

上星期五吹大北風梗係超凍!!!

koenig · 發表於 2/12/2008 13:25:58

無辦法啦 , 我地只會係無太陽o既時間釣魚 , 見光死架.....

[釣行] 超凍涌尾食白果