挑戰大自然嘅河流,係我釣魚活動最想達到嘅目標,
昨晚同朋友食晚飯,完場已經係深夜,同埋好攰...
偶然經過711,突然有想食雪糕嘅欲望,
就來一客開心果吧!!
食完就有精神左,決定今日一定要釣河,
香港雖然細,河流都總係有的,不過細條D囉
 一早起...唔到...身...
急急忙忙起身執野坐火車出發,
雖然急,落水鞋都係記得帶,
好在今日濕度唔係好高,
雖然晒...都仲係舒適的,
同Philip兄先來個正正早餐,
拿拿淋再轉車入釣點,
呢度都有一段時間無入來,
因來過幾次,去D熟悉嘅位先,
一入到去...頂 ...又係有幾個雀仔佬開左觀鳥帳,
佢地啤住我地,我地又啤住佢地,
無辨法喇,公眾地方,人人都有權入來,
山長水遠黎,佢地唔高興,都要釣架喇,
又幾喎,俾我中到其中一種目標魚"吉利慈鯛",
仲中埋意外魚種"百花鱸",
呢個位算喇,玩一陣就走人轉位,
留番俾班雀仔佬喇!!之後行去第二釣點,
D水色依然咁黑,不過好很多"吉利慈鯛"啊!!
今日我主力用金色菠蘿紋Spoon,
咁嘅黑水釣點,梗係用Spoon貼底係咁挖有著數,
我係咁挖係咁跳,D魚好似傻膠左係咁追係咁咬,
不過上左好Q多細魚,大條嘅吉利始終引唔到出來,
真係俾佢地激死...
唔通我天生同生魚有緣,黎到呢度都有生魚中!!
玩左一輪見肚餓,睇睇錶...頂...原來已經3點幾,
10點食早餐...真係快活不知時日過...!!
拿拿聲搵個蔭道抖吓食野補充體力,
見到有班大哥大姐喺度摘龍眼食,真係好Q多,
仲話請我地食,可惜我唔好呢味野,
食完洗個臉,先來個小甜品...釣一陣異臘,
條支流小溪有好多,我就轉膠虫玩,
好開心釣到D體型唔錯嘅,
之後就再釣返之前嘅位,
其實我覺得呢個釣點好有台灣猴硐貓村嘅味道,
 如果周圍都有貓行來行去就正喇!!
睇吓呢D位幾正,又蘆葦又荷花,
一級捧釣點啊 ...頂 可惜係私人地方
一路釣一路行,見時間都差唔多,
諗住班雀仔佬都應該走Q左,
就打算返第一個位落水行入去入面,
摷D大體型嘅"吉利慈鯛",
點知班粉腸仲未走,
仲同我地講話...我地頭先都釣左一轉,
依家唔好阻佢地,要俾佢地觀烏影相,
之後仲企喺度啤住我地,
我同Philip當然唔理佢地繼續釣,
坦白講,有禮貌過黎傾吓,
大家就吓無所謂,反正我玩假餌釣魚都係要行來行去,
公眾地方,如果想當然認為係我地阻住佢地,
就啋佢都有味,戇居嘅!!
結束一日嘅行程 我今日好滿足,超額完成!!
正如之前"胡仔"所講,
佢依家釣魚唔係求量,有時難度高D仲釣得過癮D,
我最近都體會漸深,好享受呢種過程,中到魚嘅滿足感更深!!
|
提升卡
置頂卡
沉默卡
喧囂卡
變色卡
千斤頂
顯身卡
樓主