不到黃河心不死之土瓜灣

話說今日出左去買裝備，返到黎打好線見冇落雨，即刻走落去練習下拋杆，順便幫大家睇下有冇景，第一釣點爛地停車場：油污味同渠味太勁頂唔住走了。
第二釣點海心石小亭：落到去已經好多人，相信都係晚晚坐陣的叔叔，見到有人釣到四五條bb烏頭，心諗有生命反應應該冇死啦，但太多人都唔知點拋好，加上好多米奇在我腳邊走來走去，呢個位我放棄……
第三釣點海心碼頭：由於沿途都係高位，冇乜人釣，我可一邊行一邊拋，但杆短位高都唔係咁好操控，去到碼頭終於可以走落幾級認真練習下，因為剛剛學拋，拋唔到遠所以只係練手感，換下浮水同沈水試，個位太黑睇唔到餌的動作加上個底鉤到幾次垃圾上黎所以又換位。注意唔好單獨去，好多南亞裔人、道友、童黨，作釣時要小心。
第四釣點斷橋公厠對出：斷橋兩旁我打左幾手落去都有打水反應，有釣友爬出橋頭釣，但位太高唔啱我練習，所以只向打水位置唔同角度拋，拋左幾十槍都冇料到，之後失手炸了幾下水嚇走哂d魚後又轉位。
第五釣點九龍城碼頭：終於可落底幾級又夠光，冇乜人釣，我自己慢慢試下拋遠d點知一調鬆少少又炒粉……真係要搵次跟d有經驗既師兄學下先得，大獲的事發生了……我炒粉時係用緊沈水餌的，整理好後攪反上黎隻餌變左黑色，原來成隻都係油漿，冇錯係用漿來形容，果d萬年機油臭到街街，即刻乜mood都冇哂，證實了個底d油咁樣九成都應該係零生命反應……
終於親身試過，可以死心了……
下次只好向紅磡進發

哈哈哈哈哈哈哈...搬左黎咁耐都無去釣過!!

我初時都係抱住“個海咁大，點都有掛“的心態去
但呢度污染實在太勁了

精神可嘉

嗰海咁大, 啲魚去了邊呢? 確是難找.

今晚如果唔落雨，我會再落去練習，今次都係去返紅磡方向好D
有冇師兄有興趣一齊？

luyan 發表於 23/6/2014 10:28
精神可嘉

咁就要加下分慶功啦

多謝分享！加油！

用橫攪真係好煩，上網學鬼佬因應餌重調節主軸其實會拋吾遠，鬆開拋得遠又易炒。
不過習慣後用h調17g去到40米左右，不過有危機，因為用4號pe,裝得50米，中大魚收吾切就死得

師兄……努力祝你快d釣到大魚