21/4/2014 -- 三魔想請天貓食復活蛋...

復活節假期最後一天, 三魔誓要請我食復活蛋, 話明今日一定要我打龜.
所以使出絶招"接龍大法" 羅友貼羅友三人釣一窩. 迫我坐埋一個邊死位.
更離譜係狂擲餌去我個窩引晒D 大頭仔唻,,,,
佢地D 賤招真有效, 我左閃右避都難逃大頭陣, 直程由水面追到落底食...暈..!


時間一分一秒地過, 只能睇佢地不定上魚. 遠望天邊又無紫霞又無烏鴉.
一時感觸輕嘆一聲"無希望了". 點知俾三魔聽到, 即歡喜苦狂更落井下石.
又要加班多個鐘話明要"磨滅我鬥志,燃燒我生命."


係呢一刻絶望無助之際, 唯有像上次一樣跟番"寧靜的聲音"個"咇".
一竿接一竿打窩, 心諗既然避唔到d 大頭唯有釣得幾多得幾多.
起初都係一條接一條, 全都是掛身, 後來是食正口,
跟著餌料終於正常到底, 即上琵琶, 鯉魚兩條, 最後收小錦鯉6點開開心心回家.


全日漁獲----(大頭仔各人n條)
天魔-- 土鯪仔6, 35cm三色錦鯉1, 鯉魚仔3, 40cm草魚1,玉如意1.
地魔-- 大烏龜2, 土鯪仔2, 鯉魚仔1,
人魔-- 腳板花柳非1, 30cm白金錦鯉1, 土鯪仔4, 鯉魚仔1.
skycat-- 30cm琵琶1, 鯉魚2(35cm & 40cm), 錦鯉仔1.

skycat772 發表於 22/4/2014 21:25
復活節假期最後一天, 三魔誓要請我食復活蛋, 話明今日一定要我打龜.
所以使出絶招"接龍大法" 羅友貼羅友三 ...

No,No,No,我地係燃起你意志，照亮你生命，見你得麵包食，加餸，復活蛋，食左係咪充滿力量呢！

HK1 發表於 22/4/2014 21:59
No,No,No,我地係燃起你意志，照亮你生命，見你得麵包食，加餸，復活蛋，食左係咪充滿力量呢！ ...

信你一成, 雙目失明.....

skycat772 發表於 22/4/2014 22:05
信你一成, 雙目失明.....

吾好咁啦！我聽到你果句(無希望了)，內心真係有D為你嘆惜，你會吾會信呀！

都唔駛打龜, 好過食旦.
出去釣咸水先食旦過日晨!

skycat772 發表於 22/4/2014 21:25
復活節假期最後一天, 三魔誓要請我食復活蛋, 話明今日一定要我打龜.
所以使出絶招"接龍大法" 羅友貼羅友三 ...

skycat有個方法可同三魔公平一戰高低，正正經經一齊打1場公開有規則台釣比賽，用排名取番自己應有尊嚴！

究竟邊個係天魔??

亞昌 發表於 22/4/2014 23:14
究竟邊個係天魔??

佢雖然來如風，去無影，但你一定見過佢，我而家形容吓佢个樣，佢有一对眼睛，一个鼻子，一个囗，兩隻耳朵，一雙手，一对腳，自己慢慢估吓啦！哈哈……

好多魚…… 多謝分享

kinpig 發表於 22/4/2014 23:02
skycat有個方法可同三魔公平一戰高低，正正經經一齊打1場公開有規則台釣比賽，用排名取番自己應有尊嚴！ ...

師兄，吾好咁認真！我地呢篇係特長篇小說，內含懸疑，驚險、勵志、科幻、有喜有悲等……最後天貓能否擊敗三魔，令佢地從回正道，又或是天貓反而誤入魔道，萬劫不復，請看下回分解，如有雷同，實屬不幸！