零收穫的一晚

見咁多人問東區有無屎玩，咁就出翻個報告，尋晚男男女女幾條友帶埋自家制大光燈等各種架生落東區呢個熱門屎塲玩下，呢個塲往年多屎到，個人記錄一晚五十幾條，今年即管又試下，先講下個塲，我叫佢做海濱公園式石駁，同海怡等一般海濱長廊唔同，佢最抵死係欄杆上面仲有三呎石駁先到海，駁邊距離水面至少兩米，所以畏高嘅都咪話唔驚，個人覺得呢個塲都幾危險，各釣友務必小心跣落海，呢個駁長大約500米，一邊盡頭係石灘，另一邊係柴灣倉嘅碼頭，有深有淺，駁邊平均**尺水到底，我估佢係石底，因為平時好易掛，水底有無可估量魚絲餌木等釣友遺物，我至少係度唔見左廿隻囡囡，中間近運動場有碼頭梯落水，講完環境，講翻尋晚，八點幾一去到見到五六支燈射落海十幾廿人玩緊，心諗實無死，咁我就即set野，另外個friend就去麥記補充下，呢個塲最好一樣係隔離有大型商場，要食要飲大小二便非常方便，好，唔講咁多，開工開燈釣，釣啊釣，chok啊chok，成粒鐘，真係屎毛都無條，我行去其他人度八卦下，成條駁都無乜景，好似有一個釣友有一條屎仔咁大把，唉…望下錶十點幾，都係收工走人。

後記：
我記得往年我五月初嚟呢度先開始有三幾條屎玩下，而六月中就大造，你會見到逢五六日都有幾十架墨魚團遊艇泊係對面日出康城個海灣，七月中後就開始少，到八月基本上係死海(大尾魷就一年四季都有），就係咁。

有個戴黑超矮細既少年成日係個度找屎, c兄你搵佢呢個高手交流下包你萬無一失

多謝分享！

terry123 發表於 12/4/2014 20:14
有個戴黑超矮細既少年成日係個度找屎, c兄你搵佢呢個高手交流下包你萬無一失  ...

有啲印象，等我下次留意下先，多謝指示。

多謝分享

師兄加油！終有一日爆釣。

1234

所以畏高嘅都咪話唔驚 <----------- from the bottom of my heart !!

336338 發表於 13/4/2014 12:37
所以畏高嘅都咪話唔驚

係呀~~講開又講~查實有無人跌過落去呢~唔止釣魚~平時咁多人坐係果度吹水呀~飲野呀~煲煙呀~