住荃灣附近,想請問那一個水塘會有前輩推薦.(內有目標魚

我也說一句

恕我口臭問一句，有無師兄釣魚時最怕見到d咩？我寧願見到鱷魚我都唔想見到或者咁好彩勾到條咸魚....我諗即刻嚇到面青都似，細個咩都唔怕，大咗之後見得多咗d唔想見既野，之後開始怕啦

九龍水塘及城門水塘都有猴子猩猩，唔想見到就唯有過港島。

之前起九龍水塘一個人釣魚行過見到馬騮，想拎手機出黎影下佢地，
點知有四五隻行近我，E起叭牙發出FeFe聲兇我，（勁小器，影下都唔得！），
我放翻低部手機，怕俾佢地搶！
之後斜睥住佢地慢慢後退保持距離咁離開，點知佢地跟住我，
形勢唔對路，如果我跑都未必夠佢快又咩住成身野。
我唯有博一博兇翻佢地轉頭，我突然轉身舉起個竿袋作勢打佢地（加埋聲效），
點知佢地凹哂水散開左，我即刻急步逃走。

Xavier 發表於 12/3/2014 08:22
城門d猴子而家猖狂到呢，我要諗諗先，一來未有餌同未買路亞，二來猴子"大軍"太強,政府強行幫咁多貓貓狗狗 ...

唔知我係米好彩呢,我上次入先見得一次,可能天氣掛..............

荃灣友揮手
我多數去九龍水塘都唔去城門水塘,因為發生過一D不愉快既經歷...
大約兩年前左右,我表哥帶我入城門水塘釣,
釣完果次,我自己買左包餌粉又去釣,
行行下...比野強搶左我手上果個用環保袋,入面裝住連開都未開過既餌粉
我一望,比隻大馬騮搶左,仲跳埋上樹,
我嘗試大叫嚇佢,
點知....
隻馬騮係我面前親手扯開個袋,
再用手插落個粉袋到,
渣左一大渣出黎品味.
從隻馬騮的反應,
看得出並不合它的口味,
它二話不說,
就將我包餌粉扔鬼左
一時間好似落雪咁,
天空中下著紅白色的餌粉,
我低下身子用手一抓,
驚發現...已經撿不了
以上為真人真事
.
.
.
反觀九龍水塘,我有竿袋已經冇馬騮過黎,加上我個朋友已經研究左一招守宮斷尾自保絕招.
詳情如下:
您需要準備既材料:大集團膠袋兩個(來回加埋要用兩個)
隨地枯葉(大量)
我巴士一到站,我已經拎其中一個膠袋出黎,之後就地用膠袋撿枯葉,裝到個膠袋七成滿,
然後打個死結放係你既裝野袋入面,未到最後一刻都唔洗用住
(不要問,只要信)
正常咁行入你既釣點,如果有大量馬騮突然出現,而又對你有興趣,而你又唔夠雙位數字既馬騮
咁就即刻拎個膠袋出黎,去喇精靈球!有咁遠掟咁遠,有咁顯眼掟咁顯眼,之後多數D馬騮已經沖曬過去準備打開個袋,呢個時候,有咁快行/跑咁快
十次有九次都成功

12345 發表於 12/3/2014 17:48
荃灣友揮手
我多數去九龍水塘都唔去城門水塘,因為發生過一D不愉快既經歷...
大約兩年前左右,我表哥帶 ...

師兄,高手
請受小弟一拜!
睇黎都要準備多幾個精靈球

Xavier 發表於 12/3/2014 08:22
城門d猴子而家猖狂到呢，我要諗諗先，一來未有餌同未買路亞，二來猴子"大軍"太強,政府強行幫咁多貓貓狗狗 ...

其實政府係有幫猴子絕育,但是在金山

Oryzias 發表於 15/3/2014 21:40
其實政府係有幫猴子絕育,但是在金山

多謝師兄分享!!
佢當d猴子傻嫁咩...
人地捉貓貓狗狗就有人大隊去周街捉,但係呢隻聰明既靈長類動物就放個咁既野係度....LOL
諗辦法警告下d猴子唔好再搞人就已經好好.

Xavier 發表於 16/3/2014 01:35
多謝師兄分享!!
佢當d猴子傻嫁咩...
人地捉貓貓狗狗就有人大隊去周街捉,但係呢隻聰明既靈長類動物就放個 ...

這種方法是捉得到的。另外其實我們去郊外就是客, 不應喧賓奪主。可能我小時常到馬騮山玩對猴子脾性比較熟, 去猴子常出現的地方有幾點要注意

1.不要帶紅色膠袋, 因為水果店多用紅色膠袋, D人餵猴子餵得多使牠們記著紅袋=食得。
2.食物盡亮不要露眼, 行裝要跟身。
3.不論陰晴都帶傘, 走路時傘尖向地慢慢朝左右擺動, 這樣猴子不敢靠太近。
4.猴子是靠表情及叫聲溝通的, 不要向猴子們"打眼色"及直瞪猴子, 這在猴子語言裏是下挑戰書的意思, 這樣做很大機會會招來強勢雄猴的攻擊。
5.體型大屁股紅紅的大多是強勢雄猴, 當牠們走在附近時要格外小心, 因為牠們搶食物搶得最兇, 亦唔太怕人。

至於樓上講的"精靈球"招數或可脫身, 但有欠公得, 我想大部份釣人都會嚮往在乾淨優美的環境作釣, 對吧。