呢個釣行一早已不預設任何期望,
天氣又凍,又剛過年,見悶悶地咪當行山活動,
三軍未出洞,糧草嚼左先,
要增加體力梗係吉野公雞飯喇!!
其實今日仲有個重要任務架,
就係去睇睇早前被膠粒攪完再受油污嘅沙灘,
好在落船後行到去,發覺整體環境已復完得唔錯,
好感謝一班花時間清理嘅義工同埋康文署嘅呀姐呀哥,
我更行埋過去海龜灣睇睇,本來都想Fit一陣,
不過見浪湧幾大就作罷,唯行返碼頭位繼續玩,
成個海灣搵個人睇吓都無,鬼就有好多經過,
我見士多有塊廣告板好正,佢D宣傳語寫到好似首詩咁款,
最利害係中英文都押韻,真係好勁!!
呢度嘅出租渡假屋我都有興趣喎,
好靜局好正,自己一個人黎住三兩日都唔錯,
如果老左喺度安享晚年都係一個唔錯嘅選擇,
至於釣況呢..............
頂...成個海完全一D生命跡象都無,
前後左右都Fit晒,雖然都預左,不過俾我中一隻半隻都好...
係咁Fit係咁Fit係咁Fit係咁Fit係咁Fit...
突然見行流,又有流界壓埋黎,
咦...機會到了,不過目標位置都頗遠,
唯有盡力玩吓遠投,一落水做第一吓動作後下沉中,
中呀!!清脆利落搶手袋!!返來一睇...廿幾嘅良型Size,
如是者...連續9槍...連續中,天啊...爽過XXX...
全部都係食外面流界,全部都係差唔多嘅Size,
當行流界向外漂出去之後,我拋唔到咁遠,
馬上又無晒反應了!!
流水魷就好似粉紅色Lin頭一樣,真係可遇不可求...
之後所有嘅魷去左邊??當然係送佢地返去繼續攪野喇!!
我都希望中意Fit魷嘅哥哥姐姐,
唔好殺得咁盡,等大家都多D機會玩吓!!
|
提升卡
置頂卡
沉默卡
喧囂卡
變色卡
千斤頂
顯身卡
樓主