往大欖涌水塘打龜釣遊記

亞昌 · 發表於 26/10/2008 20:13:39

今天一行五人, 明明約好佐十點鐘集合, 點解去到巴士站仲未有人, 我以為班人又遲到, 於是打個電話問問, 下?? 原來係十點大欖涌等, 當時我還在荃灣千色店默默地等!!
結果都好快, 十點半到我都去到大欖涌, 跟住諗住坐的士袖懲教署上大壩, 有車又唔截, 又紅又綠之下, 終於截到架, d架餐擺晒車尾相扮行山上去, 去到懲教署閘口, 我地同阿sir講話我地想上去行山架, 跟住阿sir講: "車唔俾入架, 你地都係行山, 不如行埋上去啦!!!" ......
唉, 於是我地叫司機由小欖條小路去啦....... 又話說, 我地有一個釣友在一個冇路行去既釣點度釣到日速十條鯪魚既地方, 於是我地就決定一於要摷佢出黎!!!

亞昌 · 發表於 26/10/2008 20:32:38

一路行, 條路行得好舒服, 雖然有小小斜路!!! 突然有人話係呢度落喇, 我問, 條路响邊樹呀??? OMG!! 呢度??? 山坡黎架喎!!! 初初都幾好行架, 但越行越唔對路, 喂, 踏著既就係厚厚既草, 樹幹又到心口位置, 草同樹幹中間係D叢木, 唔理喇, 烏佐身爬過去啦, 結果雙手比D草界到損晒!!!! 响呢個moment, 我已經出晒汗, 望望前面, 咁斜既, 仲要向上, 死就死啦..... 上完梗係要落啦, 俗語話上山容易, 落山難.... 原來係真既, 呢條路, 其實都唔知邊條係路, 因為下面全部係草, 我成個人差唔多碌到去先行度!!!!
終於柳暗花明又一村, 釣點就在前方, 諗住有魚釣既地方, 辛苦d都唔緊要啦!!!!!

亞昌 · 發表於 26/10/2008 20:50:28

大強佢好似好耐都未釣過魚咁, 唔洗攪好耐就釣第一竿, 佢話, 你睇下d訊幾靚, 一揪, 林哥一條, 我話今日大獲喇, 第一槍中林哥今日全部人就麻煩喇.......
過了一小時, 五個人都靜靜地等, 默默地等, 等待著第一條魚, 再過了一小時, 還要默默的等...... 我終於等到喇, 藍刀仔一條呀, 此時一行五人, 有四人已經釣到藍刀喇, 可是還有一個人未有, 佢就係亞良喇!! 於是他還是繼續地等, 靜靜地等, 默默地等, 結果佢到最尾都等到了, 就是光頭, 原來佢今日係等光頭既, 即是一條魚仔都冇中過,,, 真是可憐!! 我們五人就像五個僧人在樹下打座, 到再尾全部人都得道了!!!
唉, 諗到又釣唔到魚, 仲要行返0個條咁既所謂路出去, 真係灰爆!!! 未見官先打80大板, 今日總共打佐160大板, 我究竟幾時先可以响呢度釣到一條我滿意既魚呢????

漁痴 · 發表於 26/10/2008 21:05:13

昌哥, 係掃管笏有車路到副霸

亞昌 · 發表於 26/10/2008 21:19:32

哦唔該!! 聽我d釣友講都係, 不過呢頭一年黎一次, 我都唔太認到路!!

momo323 · 發表於 26/10/2008 21:49:34

師兄您好

小妹去過幾次都只得藍刀

不過風景極之優美

有條車路近私人樓可直上(明天再覆路名/樓宇名),
到盡頭行大約80級樓梯亦可到達

lambaba1189 · 發表於 26/10/2008 22:15:44

你..............去...............旅...旅行呀？？？？

亞昌 · 發表於 26/10/2008 22:25:48

我今日應該就係响個度上~~

亞昌 · 發表於 26/10/2008 22:27:06

去行山加釣魚呀~~

小魚仔 · 發表於 26/10/2008 22:46:13

原帖由 lambaba1189 於 2008-10-26 22:15 發表

 登錄/註冊後可看大圖

你..............去...............旅...旅行呀？？？？

錯錯..我.....我們去爬山.

[釣行] 往大欖涌水塘打龜釣遊記

評分

評分

回復地板漁痴的帖子

回復樓主亞昌的帖子

你.....................

回復 6樓 momo323 的帖子

回復 7樓 lambaba1189 的帖子