筏仔放生蝦

各位師兄...
我有一支赤武士150敏感先調子
我用呢支玩開猜波仔...

我想買多支6-800既筏仔放生餌...
1) 放生餌用咩調子同幾長好?
2) 有咩筏仔好介紹?
3) 個釣組點set?

原帖由 nick2613 於 21/10/2008 00:14 發表

                               
登錄/註冊後可看大圖

各位師兄...
我有一支赤武士150敏感先調子
我用呢支玩開猜波仔...

我想買多支6-800既筏仔放生餌...
1) 放生餌用咩調子同幾長好?
睇你釣埸環境係點 … 因用生餌關係目標魚 size 都應該係半斤或以上 … 所以調性關係唔重要 … 食得生餌都拉得你竿 … 會好明顯o下 …所以敏感度亦唔需要話太高 … 長度就要睇釣座高低 …高就長 D 有著數
2) 有咩筏仔好介紹?
要睇你想點釣、目標同釣埸環境先可以提供
3) 個釣組點set?
如筏釣都係主絲直出 + 鉛 + 鉤 … 鉛就視乎水流同你個人o既感覺 … 因唔同人操控會有分別 … 有 D 人用好輕鉛都知到到底 … 有 D 人就要用較重鉛先感覺到到o左底

我都係去一般常去既魚排(榕樹澳,三門仔等等)
我其實睇中支日新130 中硬(個名好似風流筏,但唔係風流筏,係另一支新出既)大約係800有七五折(係釣魚發x友度睇到)
呢支岩唔岩?

1.8m會好d ow~
mater的天夢都唔錯~夠硬~

原帖由 nick2613 於 21/10/2008 00:38 發表

                               
登錄/註冊後可看大圖

我都係去一般常去既魚排(榕樹澳,三門仔等等)
我其實睇中支日新130 中硬(個名好似風流筏,但唔係風流筏,係另一支新出既)大約係800有七五折(係釣魚發x友度睇到)
呢支岩唔岩?

魚排釣座普遍較低 … 呢支可以但如選擇 1.3M 我會掉轉o黎玩 … 用 1.3M 團子筏釣 … 1.5M 用o黎釣生餌 … 但小心 D 用啦 …始終筏仔唔係咁應用o既

咁最正確應該點用?

其實都係睇釣場而定,
我係大潭船仔釣, 唔搓波,都係玩生蝦的,
我反而想要支反應快d調性硬少少既杆,穗先夠挺頂得住4-5b鉛
因為大潭出d既地方地方不時水流都幾緊
但如釣大潭避風位入面, 無乜流.可大玩調性軟d既,增加釣味。
兩者其實都可以玩生蝦, 都係睇樓主你釣場而定再作選購
剛入左支150黑武士本先調, 有人話調性比赤武士硬d, 但杆先敏感而且都夠挺唔錯!

原帖由 nick2613 於 21/10/2008 01:32 發表

                               
登錄/註冊後可看大圖

咁最正確應該點用?

回歸基本 … 筏竿始終係設計用o黎作團子筏釣 … 唔能夠負荷太重既鉛 … 而釣場環境應該係釣座低及水流唔應該太快o既地方
不過 … 咁釣亦未嘗不可 … 我都有咁釣過 … 但要注意選擇合適鉛重同水流較慢o既地方作釣

講開筏仔鉤生蝦, 我又個問題想問 (其實都想問好耐, 但唔知點解一直都未問).

到底鉤蝦頭、蝦身同蝦尾會有咩唔同呢？

用咩來決定鉤邊個位呢？係因應對象魚而定嗎？

還是因應鉤某一個位隻蝦會無咁易死而定？

可能呢個問題問得好傻, 但我真係好想知.....

我個人覺得

鈎蝦頭(蝦槍,咀,蝦腮)要好小心睇準位鈎,鈎得好可以玩耐d,鈎得唔好竟即死
蝦會游得自然d,多數用於磯釣,筏仔(魚排),手竿岸邊博粗野

鈎蝦身(蝦腰背位,避開黑色腸位部份)不過都係最快死既方法
蝦游得最唔自然,但係呢個方法多數都係船釣同死蝦先會用,
*舉例:船釣用鉛多深場,所以鉛會用重小小(多數中通或子彈鉛)
綁檸圈同子線,鈎蝦背,當鉛沉底後通常都會帶番高小小等口餌飄d,
同埋可以憑魚絲感覺個海底環境係點,
當海面浪同底流影響下隻蝦係會有點跳躍錯覺出現,
同埋船釣對象魚大多一口食埋黎,鈎腰中鈎機會大d
當然都會鈎蝦頭同尾,死流+滑海日子,但係魚食餌時候多數都要俾絲條魚再番口食

鈎蝦尾(都係避開黑色腸位部份)最襟生
大多投釣用,試想想呼嘯一聲投出去,如果鈎頭,好易會唔見咗個身(蝦身分離)
反而鈎尾就唔會出現咁既情形同埋隻蝦到底時候都仲可以feel到彈彈下

唔知有無錯,請指教,指教

[ 本帖最後由 七十一 於 2008-10-21 11:33 編輯 ]