手竿釣魚036---新口味( 泥鰍 )

最近, 有師兄在網上問: 泥鰍魚可唔可以做魚餌.
有好多師兄回覆都講係魚場會幾得食.
又問係邊到可以買到.
而自己都有去魚場玩嘅, 所以咪想自己試下.

上星期三晚走左去金魚街睇睇, 果然有得買, 只係$10一包都有8條.
仲有一D手指尾咁大條嘅魚仔添!
店員話: 泥鰍好易養, 用好小水就得, 氣都唔駛打, 可以養幾日,
魚仔就唔得, 一定要打氣. 咁就買包玩下.
然後又經過旺角街市, 原來入面都有得買, 要$60一斤.
老闆話泥鰍係成日都會有得買.
(其實石硤尾街市都有, 好似街市果d大條d.)

咁樣, 8條泥鰍就養左2日半, 只係死左一條咁多!
其間, 只係換左兩次水, 一d氣都冇打過, 真係好易養.

今日(8月31日)早上就帶住8條泥鰍去左西九試下.
10:35一去到就立即開支18尺手竿14尺6號主單勾直出, 再落兩粒2b夾鉛就新釣餌.
到勾泥鰍時, 好彩做過搜查, 有師兄講要勾頭同好難勾到,
所以要用毛巾包住同係個桶入面勾會比較穩陣, 唔會比佢跌左.
到勾果陣都冇乜難度, 只係聽到佢慘叫, 有d...
估唔到淡水魚落到咸水都好生猛, 仲可以生存到超過5-10分鐘.
開頭果半個鐘, 都冇魚咬, 只係勾石掛底冇左幾條.
後尾將口餌拋出唔釣腳邊, 一到底冇耐就有魚食餌,
睇見竿頭微微向下彎, 一睇就知係細魚, 就比佢食多幾秒,
一抽就冇左, 唔緊要, 再黎!
同一個位, 又係一到就食. 今次比佢食耐d, 只係拉番緊條絲.
食左五六秒到一抽, 中左!
條魚比我彈左上水, 點知去到手邊, 比條魚甩左勾!
咁啱, 又跌番係腳邊舊石上面, 用手捉番放左入桶, 咁就釣左條火點上黎.
之後半個鐘都冇魚咬, 見釣到條魚有得加餸, 就結束今日行程.

泥鰍真係易買易養又生猛!

Thanatos王子 發表於 1/9/2013 00:09
泥鰍真係易買易養又生猛!

咁，你試左味？
試左就出個報告黎睇下，大家研究！

試左2-3次,無魚食,可能味唔大

Thanatos王子 發表於 1/9/2013 00:17

                               
登錄/註冊後可看大圖

試左2-3次,無魚食,可能味唔大

師兄, 你玩乜野釣法先? 同係乜野場地, 有冇流呀, 等等...?
可能佢冇咁大味, 但都有d腥.
同落到水都好生猛, 我諗用前打, 手竿, 磯釣,
總之會"方"餌會幾得食, 當然要有大魚係下面先得.

多謝分享！

以前用過泥鰍釣淡水，試釣籃刀，點知上生魚！

街使唔係時時有，又可能賣黎食，所以有都會大啲！

多謝師兄新嘗試分享！

bigmachk2004 發表於 1/9/2013 14:47

                               
登錄/註冊後可看大圖

多謝分享！

以前用過泥鰍釣淡水，試釣籃刀，點知上生魚！

多謝欣賞!!
師兄, 釣籃刀唔駛用泥鰍咁大陣仗.
佢個口咁細點食得落呢?
釣到生魚真係好正常, 再大條嘅都得啦.

我問街市老闆, 佢話成日都有喎! 咁又唔知真定假!

哈哈……打錯，應該係東洋刀唔係藍刀，見啲兩叁尺東洋刀係道追魚仔於是就試吓，不過都係冇中過！

可能而家多咗人食泥鰍啦，街市魚擋就攞黎賣！

bigmachk2004 發表於 2/9/2013 06:54
哈哈……打錯，應該係東洋刀唔係藍刀，見啲兩叁尺東洋刀係道追魚仔於是就試吓，不過都係冇中過！

可能而家 ...

我都覺得奇怪嫁啦！冇理由釣藍刀嘅。
如果真係有兩三尺長嘅東洋刀，應該會好好玩。
而家仲有冇得玩呀？

FELIX009 發表於 2/9/2013 20:48
我都覺得奇怪嫁啦！冇理由釣藍刀嘅。
如果真係有兩三尺長嘅東洋刀，應該會好好玩。
而家仲有冇得玩呀？ ...

我都係幾年前玩，我唸而家都中有得玩！其實玩大生魚，大鯉魚，大魚都好好玩！試過一次上條十斤鯉魚，一路掃咗十幾枝竿，玩咗成二十分鐘，上魚果陣大家幫有，真開心！