呵呵呵.........八十鯉

flyfisher · 發表於 30/8/2013 09:55:26

本帖最後由 flyfisher 於 30/8/2013 10:52 編輯

近日天氣實在非常唔穩定，不時打風又話雷暴，加上出門數星期，淡水魚埸都無去多時。日昨有見天氣晴朗，午後去咗白泥探望吓久末見面的鯉魚。

三點多開竿，嘩......大量羅菲出現，鯉魚呢？竟然唔見。心諗....唔係掛，老友到訪，何解要躲避我呀？

氣溫真熱，熱到出汁。四點幾，啲錦鯉出現了。第一條都有四十幾，跟手又上條五十鯉魚。嘻嘻，算唔差啦。到咗六點多，手中繩一下強大拉力，飛蠅線直飛塘中，高舉飛竿，又放又收，十分鐘後，一條八十大鯉入網了。大叫老板娘幫手影相後，隨即放回塘中。

隨後再飛，又再一次強力拉竿，飛蠅缐直出塘中，不一會竟然輕如毫毛，甩掉了。回看毛鉤，給拉開了。之後，只見羅菲，鯉魚不再遇上，是日釣行，亦就此結束。

2013-08-29 20.49.22 (Medium).jpg