請教C兄們,假餌竿標準長度係幾多尺?魚鮫個杯用咩容量?

係岸邊或快艇拖下牛廣,鮫魚之類用,唔該C兄幫手解答小弟問題,謝謝.

竿好似冇標準長度，岸釣同艇釣又好似有唔同要求，一般岸釣七尺至十尺都有，睇番釣場高度同拋投距離，艇釣五尺至八尺都得，睇番隻艇大小，操竿空間有幾多

個杯咩容量又要睇你用咩絲，膠絲炭絲用深杯，pe用淺杯，因為絲既粗幼唔同，1000杯定6000杯又要睇你用幾號絲，打幾長絲，如果你諗住打0.8pe150m,我冇理由同你講5000深杯係標準嘛，所以你要諗清楚每樣細節，我地先可以話到俾你知適合你既標準係咩

多謝J神兄長盡解答,仲有樣想請教,我見到D竿有幾多g幾個PE幾多lb,想問下點分負重量(頂到幾重既魚)

仲有一樣---釣力值

幾多g  (呢個指可適合使用最佳假餌重量)

幾號PE (簡單黎講即係可適合使用最佳PE號數,PE即係布絲,需配合子線連結假餌,PE多以號數分類,例如0.8號/1.5號/2號,不同號數表示線徑粗幼同拉力值,號數越細越幼拉力越低,例如0.8=7KG/16LB,但因各間廠商有分別,請以包裝招紙作準)

幾多lb  (即係炭絲膠絲一類可適合使用磅數,簡單易明不作解釋)

至於點睇枝竿既負重(頂到幾重既魚),就參照番你枝竿可以用到幾號絲,例如你枝竿最盡可以用到0.8PE(7KG/16LB),咁你果枝應該都出唔到南油,不過你話係咪超過7KG就釣唔到呢??

答案係--絕對釣到--因為釣魚唔係單單睇枝竿同魚絲既數值,仲有釣手既操控手法,好似魚鉸上面既磅頂鬆D緊D都有直接影響,好多師兄都用小物竿小物設定拖牛廣呢一類爆炸力超強既對象,我都有試過(經常)用小物竿拖鱸拖爛肉梳

簡單黎講  工具係死,人係生  用適合既竿,適合既絲,適合既假餌,加上適合既手法,自然釣咩有咩

希望幫到你~有咩需要可以再一齊討論下~

里奧師兄有FIT魷,呢D野應該識架WOO

犀利,J兄講解非常清楚長細,宜家清楚左好多.

點解JC兄知我有FIT魷,唔通你識我我好耐無浦頭啦,咩都唔記得哂...