一睇個天...暈了...異常咁熱...不過打風前都係正常嘅...
落車後,好在有條蔭道行吓...
突然好想重溫一吓以前嘅風味...
無冷氣嘅室內茶檔,果然感覺一流
仲要嘆熱茶 真係正到飛起!!
盅頭牛肉飯加特製豉油 依然美味!!
天氣咁熱,唔想咁辛苦...選擇坐96R...直接入去黃石...
唉... 惡夢開始...等左好Q耐...入西貢嘅車都黎左幾架...
排隊嘅西洋菜都唔係好耐煩...又扭又拎...
好唔容易車到了... 頂...全車滿坐!!
企左一陣,實在頂唔順,樓梯都要坐...
今日...日與夜加埋...試左四個不同釣點,
可惜唔見有魷蹤...唯一開心嘅係...
可以現場試吓拋投操控隻"姣蝦Fly",
資料請參考...http://www.fishinghk.com/forum/thread-234924-1-1.html
經試玩之後...回報一吓...
經調試配重鉛片,隻蝦嘅下沉角度可以穩定維持約30度,
拋投後,一路操控,發現隻蝦係可以維持穩定狀態,無明顯偏移情況,
但向上抽動時,蝦身切水性較差,水中活躍度不足夠,
通過偏光鏡觀察,蝦身顏色尚算明顯,
如果蝦身下半部再加上白色,效果應更好,
落水一刻,網狀套管入水情況比預期快,效果唔錯,
因為今日未能上魷,仍未能知道,強度方面嘅測試效果,
至於拋投方面,我感覺較差,需要再減輕重量,
我希望喺材料方面再想吓辦法...
希望下一次可以如願...無魷獲,唯有影D現場釣具寫真!!
天氣熱...拖鞋真係良伴
今日坐船有驚喜,竟然見到船上有燕子巢,
仲有兩隻好得意嘅小燕子!!
返到西貢後...為左盡最後努力...拿拿聲醫肚
好在...都叫做破龜...
|