蟹哥, 多謝你令我重振雄心!(附送馬灣向海南)

先交待一吓背景先, 原本打算放棄岸釣了, 當然係因為疏口到離奇.

但想到買左個餅仔成年都飲唔到5次海水, 就咁放棄對佢唔公平.

又適逢夏天夜水水位低下之時, 正是直駁當造之季,
咁就係端午買左10零口砂蝦去試下龍舟夜水.

去到釣場, 下第一口餌, 都巳經係19:30了, 過左都無3分鐘, 即刻有魚來碰餌,

心諗都係石狗之輩, 就用傲慢的態度, 係咁而收兩野, 條魚即時向外標走,
即刻按餅仔及舉竿, 點之條魚吐餌, 無奈……

當時感覺條魚都係磅頭貨式.

同時又感覺到口餌重係度, 咁就再鬆絲由口餌落入,
心裡有些少僥倖心理, 主觀地希望條魚有機會翻咬.

點知過左十零廿秒, 佢又真係再咬, 呢吓我唔笨啦, 由佢拉絲,
等佢食到入哂扣先. 忍到個餅仔轉左5-6圈,
我揪, 我諗住鎖緊攪邊, 點知隻手指公係咁被隻攪邊彈開,
本能地再用另一隻手加按落隻攪度, 但係無濟於事,
都係照出絲, 係我個腦未反應過來之時, 5號帶腳即斷.

成個過程都係2-30秒, 小弟被KO了.

懷著忿忿不平的心, 想請假同佢死過, 點知又係日日落雨又大風.

等吓等, 等到週日下午, 覺得會停雨了, 就去報仇.

又係買左10零口砂蝦, 去到釣場見到成地雞泡, 心知不妙,
下第一口蝦, 真係好多1指都未到的雞仔來食蝦腳!

見口蝦咁樣壯烈犧牲法, 唔惦, 即刻換上作為後備蟹仔,
點知一捉隻蟹仔就甩手, 給它跑入雜物內, 咁就捉過第二隻上鈎,
玩一陣, 無魚訊但又拉到重重地, 收上來石蟹一隻, 都有5-6兩重.

咁又去取蟹仔, 咁啱見到頭先逃跑的那一隻,想走出海邊, 即刻捉返佢, 唔好浪費.

鈎好蟹仔, 又落入, 到底有魚碰, 個海邊有大魚加,
就繼續用我傲慢的態度稍稍帶一吓支竿, 條魚即想標走,
鎖攪, 狂收, 10秒都唔使, 出水.

係水面底既時候, 見佢啡啡黃黃, 重以為係條比較大的沙孟,
到左水面, 先看清楚係條橙點芝麻班.
1.5斤, 35CM.

成年無起過斤頭魚, 呢條係第一條, 好開心;

個餅仔第一次起斤頭魚, 好感動;

蟹仔餌第一次有斤頭好魚咬, 好寬心;

以後繼續用hechi玩法, 行理輕磅, 好期待.

第日到釣點捉蟹仔, 唔使煩住去買砂蝦, 好美滿!

餅仔萬歲!
(對於一個成年無魚起過的人,就係笑我傻都唔好咁大聲…….)



(由於想加入新圖, 點知攪錯左, 將舊圖全刪掉, 巳無底片, 下次再補拍......
南面海邊景觀開揚, 遇上藍天白雲, 夏天的東南風, 灌木林裡傳來陣陣蟬鳴,
真係好有"人生吊頸中"暫緩執行呌呌氣的舒暢感覺.........
(手機影出來的相, 質數一般, 但用人眼看, 真係美若仙景哩........
背景是迪迪尼填海區,坪洲及喜靈洲


背景是南丫島

背景是西環及貝沙灣

背景是青衣

背景是汀九




(25/6/2013想回覆時(接39樓), 要加入新圖, 但功能上無得用browser, 唔識攪, 唯有在原文下明再加入新內容)

其實, 條班剛上水, 自己仲以為係"象皮班"(好難食的班).
後來對其其鮮明的橙色點印象深刻. 所以只要不是"象皮班", 我就好開心, 因為沒有給魚神捉弄.....

青班, 有個叫法係班點石班魚; 而普通芝麻班(不是深水芝麻班或齊尾芝麻班), 又有個叫法係橙點芝麻班

就版大回覆的第一張照片, 2條魚係有好明顯的分別, 如下圖標示

以我理解, 上方的是青班, 下方的是芝麻班, 由於兩條的體形相近, 很適合用來比較.

青班vs芝麻班:

A      大弧度圓尾 vs 小弧度圓尾(接近齊尾)

B   大三角嘴 vs 小尖咀

C&E   胸鯺及尾鯺全墨黑色 vs 魚身班點及顏色延伸至尾鯺上方(約佔1/4)及胸鯺
(係上圖兩者的這些對比不是很清晰, 因為下方的魚色偏黑, 請用版大第二張相作
比較)

D   褐黑色班點 vs 橙色班點



而版大的第一圖下方芝麻點跟第二張圖的芝麻班, 在顏色的鮮明度上有分別,
可視為個體上的分別或魚上水時間上的變異.
同時版大第二張相的芝麻班, 跟小弟的那一條係9成幾相似度.

另外, 小弟係網上收集了數張青班及芝麻班的照片, 針對兩者A, B, C 及D 的差別位置,
同樣可以看出明顯的分別.

在這些照片中, 大家能否看出那4個差異?

個人覺得, 因為大家對齊尾芝麻班及深水芝麻班的印象深刻, 認定那種花紋就是芝麻班,
所以碰到橙點芝麻班就因為佢跟青班好相似, 往往被當成青班, 久而久之橙點芝麻班就沒落左.
以下是大家公認的"芝麻班":

不過有一些魚種的確係好易混淆, 睇法也因人異而, 好易有不和諧,
就好似大眼海鰱及曹白, 好相似, 但目測也有分別, 在下圖大家能否分出誰是誰?

恭喜ching

C兄飽曬, 恭喜

Ching, 老鼠公園again ?

Congrats, 師兄文筆生動，期待你下一個post, 另外條班應該唔只35喎

archie 發表於 17/6/2013 11:48

                               
登錄/註冊後可看大圖

恭喜ching

多謝, 枯木逢春, 份外喜悅!

anson388 發表於 17/6/2013 12:10

                               
登錄/註冊後可看大圖

C兄飽曬, 恭喜

我就唔夠飽啦, 6點起條魚, 砂蝦及蟹仔都未消枆過咁濟,
諗住起多幾口, 點知釣多2個幾鐘, 石狗都無一條!

4-5東風就無限量供應, 而家仲頭痛緊, 無講啦, 食藥先........

336338 發表於 17/6/2013 12:23

                               
登錄/註冊後可看大圖

Ching, 老鼠公園again ?

老鼠公園實在太舒服啦,
舒服到完全無釣魚的感覺, 所以都好少去......
可能而家重有的火箭仔.......

stevenl_604 發表於 17/6/2013 12:29

                               
登錄/註冊後可看大圖

Congrats, 師兄文筆生動，期待你下一個post, 另外條班應該唔只35喎

35好長喎, 擺係碟度蒸既時候度左35,
反公司出帖覆一覆尺, 發覺35好長,
好担心出錯料, 斤半班都唔知有無35咁長.......

另外請教一下師兄, 因為上次走左條好力水的魚,
所以返家案件重演, 允個人扮魚拉絲.
發覺隻餅仔係順時針收絲既時候(我係用右手持竿查攪),
條魚拉出絲就會係逆時針向外出, 手指公就係按唔死;
但改左逆時針收絲,  條魚拉出絲就會係順時針向內出,
咁手指公係可以頂得死啲.

唔知係咪真係咁, 定係我未用得慣呢?

師兄好野！！