大師兄到位平淡釣行見驚喜

日期 : 2013年1月23日(初十二)

天氣 : 吹東至東北4-5級後轉6，有薄霧，間中有陽光。

釣點 : 擔桿

釣友 : 强、周、深、文、華

每月只有幾次散團，千人臺又吹大咗囉，好彩天公造美，準時到碼頭落阿鄧艇，阿强又係咁早到，原來佢好鍾意坐艇尾大師兄位，阿鄧散團規矩跟落艇次序選坐位同派魚。查實我都鍾意坐艇尾位，因位背向艇頭，上水時唔駛正面食浪花，點知被爛釣一篇趣談快艇坐位一出，多咗釣友掙相要坐呢個位…..大家深信好魚wor！

今日湧口唔大，話咁快去到第一釣點，惑仔幾條，轉位，魚訊疏落只好吹吹水講下笑打發時間，忽然阿强大收幾手再望下各艇友，正疑心到咗絲因佢條絲幾重下，我話冇、佢地都話冇，放心收魚！  嘩！嘩！嘩！2斤幾大紅斑上艇，全艇振，之後阿周中黃腳，我都中番條斤頭黑沙，高潮過後又靜下來，再轉位有D惑仔食餌，阿鄧叫大家留心執金，話口未完佢就執咗條斤頭金條，大家雖然好專心掘金，可惜D古惑仔頻頻冒充金條送上門，有一寨阿强又大手收魚，又要嘩！嘩！嘩！ 2斤金條上艇。各人腎上線素激增，阿深再添2金收工。

後記，阿强坐大師兄位真係實至名歸，阿鄧散團同艇幾次，不論遇到波板，馬友，惑，石釘，佢都釣到最大同最多，正是我要學習的艇釣技巧，所以佢做咗我今日吹水話題，真係唔好意思，不過下星期散團你要記得過料。

古惑仔唔要上鏡，只有上檯魚見人

多謝分享!!!

收獲好正呀恭喜

恭喜師兄可以跟到各位大師兄釣又有正魚穫恭喜恭喜