本帖最後由 skycat772 於 2012-12-24 17:56 編輯
九點到龍 琛橋, 大風到企唔定, 唯有去鯉魚台避風.
水面起晒白頭浪, 重以為出咗公海.. 支標猛跳"江南style"睇到眼花.
成個早午我同華哥只上到幾條非, 但鬍鬚師父真係堅, 惡劣天氣對佢一d 影響都無."釣羅非無難度" . 不停咁上魚... 勁...!
食過午飯轉戰氣霸平台, 佢地有自行車十分鐘就去到, 而我就開足turbo "11號車" 都要30分鐘, 好彩呀媽生我對腳夠長咋....
不過都幾攞命, 差d 碟牛腩飯都嘔番出唻.
原來梧桐杰, 強哥, 元朗高佬一早係氣霸平台吃西北風, 個個吹到面青青,
睇吓梧桐杰個大魚護只得小猫三幾隻. 可憐...
梧桐杰無引走咗去食晏, 合我哋各人力量佢個魚護先有番d 重量咋.
到六點屠房夠水, 我同梧桐杰去打怪獸, 入夜越坐越涷, 手都硬晒.
本打算八點走人, 點知開始有怪獸埋窩, 我又1.5腳秒殺, 咁就出事啦.
條粉腸死摞唔走, 差唔多十零分鐘又俾佢上條鯪, 不經不覺就震到十點.
終於頂唔順走走....
全晚梧桐杰上 : 土鯪2, 麥鯪2.
skycat : 土鯪1, 麥鯪1.
|