再嚟外海幾十海浬

10月出咗第一次幾十海里，食過大青斑惨被毒害，耀C Hing話攪11月大斑團就馬上報名。
今日天未光出發落阿鄧艇，先去買大餌，唔夠八爪就花蟹頂上。
出發喇！好彩都幾晴，飛咗成2個鐘到第一沉船排，我唔識釣大斑所以認頭招呼魚仔，揸20磅03鉤用細中蝦，目標斤頭魚。
大家坐咗過幾鐘都冇起過手。瘀事出現喇！有C Hing 叫有高低石小心掛底，收到唔該，正想收高兩手，XYZ@*&%?，掛咗！阿鄧話20磅絲用碌收實，易對斷，收到照做，拉拉下鬆咗，好重？似中咗膠袋？收到幾手輕又聚落幾手，一路繞碌一路諗都係之前另一位C Hing 上咗個款尼龍袋，忽然坐我前面個位C Hing 話睇到水中好似有條魚叫攞撈磯，一條7-8斤識扮死狗青斑上艇，中魚都唔知....瘀爆.....失禮晒！
上半埸完。食過午飯轉過幾個位，個海靜到冇朋友，忽然阿鄧企咗起身紥馬，大手一揪，阿耀都著咗機拍短片，阿鄧只收到幾手條魚就番咗屋企唔肯出嚟，雙方爭持咗一陣，啪一聲就分手。
富仔揸咗大花蟹成朝都冇大斑幫襯，想轉釣魚仔輕鬆一下，5號YGK雞魚仕掛+魷魚絲，開始上手板size白尾芝蔴斑，雞魚，跟手上咗條大火曹同絲，我跟紅頂白都轉12磅仕掛，ok wor 一樣有魚上，其中一口細細力食，一起手就反抗，玩咗一陣原來係3斤芝蔴斑一條，今日D魚唔食海中蝦，要食冰鲜魷魚絲，問你服未！最奇就係坐我前面位C Hing 揸蟹中咗條3斤包公？咁又過咗愉快的一天，仲要睛到冇濕身。


此青破了我個人大魚紀錄

恭喜，爽爆

恭喜師兄收穫幾好啊幾錢1位呀

弓喜! 弓喜!

恭喜恭喜...好大條

多謝分享