打風過後的蚊州艇釣2012-06-20

前一兩日仲諗緊：「點解我大好艇期會打風架？個風仲無喇喇在海南島產生，個勁D那個都掟灣去日本啦！」
好在，昨晚艇家確定可以出艇，即時開心番！
出發前看天氣預報，吹西北風3至4級，後轉西風4級，有雨。心想剛打完風，應該仲有浪湧，同時4級風，出到去應該加多一級，但想西風去擔杆或者蚊州應該無事卦？
齊人吃個靚早餐，上艇，一路直車出去，路經蒲台已見有湧，心想：死得！艇家一路車一路車，湧愈來愈大，當去到蚊州釣點，湧已頗大，但情況仍可作釣。
一落餌無耐，玩手繩的朋友，外號「手繩王」已面容一緊，隨見他一路收一路要就，一路又要放，最後一尾4斤重的石「魚倉」上水！全船興奮非常，期間中雞不停上。跟手無耐，艇家在船尾位置又上演過往「怒拔黃立『魚倉』」，不過今次係「怒拔石『魚倉』」！但他的YGK8號手繩因就魚關係，被誘餌籠掛上，於是艇家二話不說將手繩交與和他最近之人，即小弟，他去攪番正個誘餌籠。死火！小弟用開杆釣，雖然手繩有玩開，但就無用定膠布同心理準備去用碳絲手繩，一接手，強烈扯力傳來，想頂，頂不到，扯絲，「雪」一聲，手指痛楚感覺上腦，即時慢慢放就魚！好彩艇家攪好個籠，即時接番手。最後另一尾4斤石「魚倉」又上水，但就由最近艇家之小弟做漁童撈魚。撈魚都覺得好玩！
期後轉多個位找魚，釣呀釣，今天又爆雞，全船六人漁獲接近一擔！遺撼是有倆位朋友在大湧下中壓……

今天自己漁獲，共26條雞雞

                               
登錄/註冊後可看大圖

艇家釣的石「魚倉」，小弟分魚尾

                               
登錄/註冊後可看大圖

正呀~!!好靚ge倉倉~d雞雞大唔大呀~?

天公做美弓喜C兄。

恭喜!!希望我27號出蚊洲都有你咁好收穫.

師兄~支竿好唔好用呀XD???
其實E家出去一次平均一個人要幾錢船錢??

勁呀C兄, 好好魚喎

恭喜恭喜

恭喜!

garying01 發表於 2012-6-21 01:03

                               
登錄/註冊後可看大圖

正呀~!!好靚ge倉倉~d雞雞大唔大呀~?

D雞叫做「中」雞啦，斤頭朋友上得一條兩條咋！

badpkhk 發表於 2012-6-21 02:14

                               
登錄/註冊後可看大圖

師兄~支竿好唔好用呀XD???
其實E家出去一次平均一個人要幾錢船錢??

枝杆小弟覺得好好用，有用筏仔的感覺，只上過斤頭魚或一次過上三條中雞，未經考驗。
小弟估計如上石「魚倉」或反抗力較大的魚種，杆身可能灣到柄，所以出擔杆或蚊州使用，都係買枝H100較好。