|
今個星期心裡下著雨 , 內心掙扎要背棄對爹哋嘅承諾/接受誘惑! 爹哋今天不在家, 得到媽咪批準跟大佬去釣夜魚.  今日我 , 魔童師兄 & 大佬 3人一起出發 ! (好似之前日本一套電影”小雙俠”入面歹角嘅組合) 魔童師兄知我想釣紅鮋 , 所以出手幫忙 ! 行程先在奧運站集合食完宵夜後出發 . 第一釣點好近望到奧運站 . 試咗3個點用咗50分鐘 , 魔童師兄話轉釣點 ! 第二釣點西九海濱長廊 . 試咗6個點用咗完成個鍾有多 , 見到有其他師兄係度釣魚唔知有無呢 ? 魔童師兄話轉釣點 ! 第三&四釣點係東涌&欣澳結果得過拖字咩都無 , 時間已經係零晨3點幾 . 我心諗終於要空手回家 , 可能係車上失望嘅樣比魔童師兄見到 ! 佢係車上打咗3個電話原來係租船 , 零晨租船好貴要$800. 轉眼4:10去到屯門等船到. 第五釣點由屯門坐船去不用15分鐘 , $800真係好貴 ! 上到岸試了3個點都落空 , 魔童師兄叫我比枝杆佢睇住佢收 , 佢話要留意杆頭(可以知道假餌在水中情況)仲要在收嘅時候可加上拉扯動作令假餌游得便好 . 在佢收線中途佢話有魚撞餌 , 佢立刻比返枝杆我叫我跟佢手法拖可能會有魚上 . 如是這拖了太約8次 真係有魚拉好大力 , 真係有d失平衡好彩有大佬同魔童師兄抓住我. 但魚太大力被牠好快游回家中 . 心中想唯一一次都無了 ! 就在此時魔童師兄撿了一嚿潑泡膠放在膊頭, 企係我枝杆下面用膊頭向上頂 ! 以下對話內容 : 我 : 咁樣枝杆會唔會斷 ?  魔童師兄: 枝杆係唔係你 ? 我 : 唔係 . 魔童師兄 : 咁就要粗用, 用盡佢 . 我魔童用到咁重火力連哥斯拉都要忌我3分, 小小魚孫我都起唔到, 我以後唔釣魚  ! (哇 ! 唔駛咁重誓!) 魔童師兄 : 婆野婆羅咪 (我諗佢講緊粗口) 魔童師兄頂了2-3吓, 條魚終於被拉出來 . 我再次收線, 但條魚好似無咩力反抗 ! 終於收到眼前, 在我面係我夢幻魚種紅鮋 ! 不經不覺開始天光望望吓見到我屋企就係對面岸有無搞錯! 船亦都準時接我哋走 ! 真係好隻船可以載我們到慧豐園上岸, 很近我屋企. 上到岸魔童師兄換衫時出現6嚿腹肌好勁呀  ! 但膊頭紅咗唔知係唔係幫我頂魚杆時整親 ! 魔童師兄話今日好累唔開檔返屋企訓覺要走先 . 跟住大佬上去我屋企食我媽咪煮嘅早餐 , 大佬就話之杆比你咁玩法要搵老人園退休 ! 我當然請半日假下午返工 . 最後真的要多謝魔童師兄車我周圍去釣魚, 我真係唔好意思我一個釣魚要2個男士扶住怕我跌落水.你哋2個又唔釣斎睇 ! 今年提早完成目標可算是超出預算 , 要找另一目標了 ! 以紅鮋為目標實在唔啱我 !
| 
[複製鏈接]
顯身卡
樓主
提升卡
置頂卡
沉默卡
喧囂卡
變色卡
千斤頂
咁快中到目標魚~有幾重左右呢? 妳講果套卡通片~是否爆炸後成日有個豬鼻咁嘅煙果套?哈哈~我無記錯的話佢首主題歌好好笑的