第一次用就“破处”

jason · 發表於 21/5/2012 15:42:51

本帖最後由 jason 於 2012-5-21 16:42 編輯

年初入手的daikoh波伝540H，星期六难得有时间出去，约上三五知己，准备去喂喂鱼，先是出门见天色唔多老黎

远处灰沉沉，即可打个电话问海边的朋友，“咦？呢边好好天波”，偷笑中

，呢锅仲唔开张大吉，而且东~东南风，仲可以上埋心仪已久的大独石，石前一条大深坑，呢锅无屎咯！！出发出发！！

车开到码头，喂！！点解HK个边的乌云好似漂紧过来咁嘎？电话call船佬出船，他话“等多阵先，场雨好似压紧埋来哇”话口未完个天就开始哭泣

....无奈在车里面苦等.....过左大半个钟，电话响！船佬！“哥仔，准备好未？可能仲有雨不过会转晴，你地走唔走啊？”“走”既然来左就肯定杀杀杀...

上左礁感觉唔多对路，点解远处有好似雷声咁嘎嘢！！不过听落好似好远，算啦！！来左就做嘢！拿住只得伟18W~

~哒哒哒.....哒左一轮，话咁快就打好左两个窿，咋咋淋开杆挂池仔！！

日落前都是鱼仔消饵，但是太耐无钓鱼，看见杆头弹下弹下~~都开心咖

。

如是者直到黑齐，来料~~~杆头震动的幅度明显加剧同有力，杆头压落去无上来，呢锅无屎咯！！！抽竿！！

挂石头~~

整理过程中，杆头缠左线，心霖左右转转竿就得啦，点知鱼丝卡左入去荧光棒同杆头之间的位置，食到死晒！跟住自己就好似撞邪一样，无端端去用力拉支竿~~悲剧发生~~~好清脆的一声“啪”！！！

.......断杆头！！！天啊~~~~竿新都未新过就断比我体~~~~

.....话晒大那那都钓左十几年鱼窝，比D面都好啊.........仲要系新仔面前断，呢锅真系颜面扫地，正所谓“大意失荆州，无阴功啊无阴功”

仲拿命的就是整理完事故现场，到隔离哥哥开斋，杆头震....再震.......顶！！“咦，有D手感，好重啊.........啊？”轻晒手！！上来一看齐口断，即刻搞翻掂个钓组，再投，无几耐，又重演，不过呢次就上得好轻松~~~油追一大条！！如此判断前者可能都是油追！！

回归正题，好彩我支竿断左3~4cm左右，返来重新将头皆装返，下次有机会再战江湖，不过就有少少唔爽！！都怪自己太大意~~！！

借此亦告诫各位C兄C弟，晚上钓鱼除了注意自身安全之外，对钓具使用上也要多留一份心，切勿急躁！以免造成不必要的损失

釣魚郎DON · 發表於 21/5/2012 16:30:03

唉.....多次纏竿頭都係用國產左右夾的那種。反而成支夾，貴價果種就無發生過。夜間作戰，打竿或收絲、一定要習慣用手拉一拉絲、有備無患。
來、一起為戰友默哀一分鐘。

jason · 發表於 21/5/2012 16:39:09

釣魚郎DON 發表於 2012-5-21 16:30

登錄/註冊後可看大圖

唉.....多次纏竿頭都係用國產左右夾的那種。反而成支夾，貴價果種就無發生過。夜間作戰，打竿或收絲、一定 ...

C兄！有无图片介绍一下啊？

经一事长一智，下次用直径2.2mm个种荧光棒用胶纸粘在导环的框架内，咁样对主线的影响基本接近0！

bottomking · 發表於 22/5/2012 01:12:27

Ching , 溫馨提示，波伝明年肯定停售or停產！
如果想訂支新頭心，就要快手！

jason · 發表於 22/5/2012 06:50:01

bottomking 發表於 2012-5-22 01:12

登錄/註冊後可看大圖

Ching , 溫馨提示，波伝明年肯定停售or停產！
如果想訂支新頭心，就要快手！ ...

已经摆脱友人过日本的时候帮手看看有无现货，无就要定

釣魚郎DON · 發表於 22/5/2012 10:45:53

Daikon 比較好。。。Daiwa 就可能麻煩些

bottomking · 發表於 22/5/2012 10:49:55

曰本店舖應該冇頭芯現貨，先拓香港店代訂最直接，方便，安全，有可能平過曰本！有咩事曰後都有得保養！

mingiso · 發表於 31/5/2012 16:36:30

應該是這個吧

jason · 發表於 31/5/2012 19:10:47

经一事长一智，用细号数粘在Ｄ街里面，又好看又保险哦

Mic/Mic · 發表於 1/6/2012 16:45:34

下次用浮波嘅熒光棒加膠紙頭尾包有斜位唔會卡入線,未曾斷過桿頭

[釣行] 第一次用就“破处”