又有一個新手有問題

通常18號起跳、到24號。
Sunline 去到28號
YGK去到30號。

釣魚郎DON 發表於 2012-5-19 23:17

                               
登錄/註冊後可看大圖

1.1 TICA 竿嘅QC可能會每支有差異，所以買之前要細心檢查。日本竿就比較穩定，一般每節都可完美地入八成。 ...

DON我都想問下石鯛絲最細是幾號?謝謝

睇晒版中0既帖，今日終於買左penn114L2迪佳枝540竿，跟住出左好多問題，

1.1枝迪佳竿節節好難插，係唔係用幼砂紙磨就得，其實係唔係因為平野至會甘?
1.2枝竿用到幾磅絲?

2.1關於PENN，係唔係就算唔開晌制，攪時點都會有達達聲?
2.2隻攪係唔係只可以向前攪，向後就攪唔郁?
2.3隻攪就算feel杯都好唔順，用手指轉都只係轉得五個圈就停，甘點掟得遠?
2.4隻攪下面夾住支竿個扣，除左小心外，有無咩方法可以減少唔見睇螺絲0既方法，我驚輪輪盡盡跌落石罅?

3.1石鯛絲同PE線有咩分別?
3.2PE線多數用幾號?20號會唔會太勁?
3.3子線用咩類型?碳絲?尼龍絲?

4.1石鯛架可以係邊道搵到配件令佢可以綁到係0的欄杆道(好似維港釣龍躉個post甘，夾係欄杆道)?

有勞各位指點一二

我只可以答到你問題1.."因為我都未有113  你支竿難入~但想問下你入到幾多?一般入到8成左右就可以~強烈建議你唔好散佢..除非真係完全入唔到~我只可以答到咁多~其他的...搵玩開的師兄啦....我路過

藍巴勒海盜 發表於 2012-5-19 21:06

                               
登錄/註冊後可看大圖

我只可以答到你問題1.."因為我都未有113  你支竿難入~但想問下你入到幾多?一般入到8成左右就可以~強烈 ...

我第三節入第二節只係入得小小，0的漆好厚插唔入…

cccow 發表於 2012-5-19 21:17

                               
登錄/註冊後可看大圖

我第三節入第二節只係入得小小，0的漆好厚插唔入…

如果真係入到咁小~咁可以用最幼的沙紙散....但係真係散小小好了~一過火就麻煩~

1.1 TICA 竿嘅QC可能會每支有差異，所以買之前要細心檢查。日本竿就比較穩定，一般每節都可完美地入八成。我會用幼砂紙慢慢磨，萬萬不能急進，寧願太窄也不能太鬆。因為日後越用越鬆。
1.2支竿係照抄一支日本miyami op 嘅竿，此竿負鉛25-35號，道系可以18-22號石鯛絲，我用20號追擊手幾年。
2.1會有很微的嘰嘰聲，並非響亮的噠噠聲。
2.2對，如無改裝，只可向前。
2.3對，penn 絕對不是一隻設計給遠投使用嘅絞。往往要用一定重量的鉛去帶動才行，而絞旁左邊有粒圓形微調，需要用鉗仔才夠力轉動。
2.4基本上配上石鯛竿都不需要用那東西，只要把絞座上實就夠了。因為整個配搭都沒有準備釣到一條神級怪獸，首先會斷的會是腳線，主線，然後磅頂受力出絲、加上不是置架而是上手操作、所以不是打重磯都不用加那東西。
3.123：石鯛絲柔軟而有強大拉力、可以的話不要用PE、因為沒有過石能力、一磨就斷、去買「大力馬」類型嘅編織線、追擊手15-20號係首選！子線可分幾種、正宗鋼絲加轉環、16號以上嘅船用碳絲（貴）、硬過鐵線嘅漁佬絲50磅起（廉）、100磅以上嘅shock leader(軟）。
4：去買唔同尺吋嘅水喉碼，十元八塊。

釣魚郎DON 發表於 2012-5-19 23:17
1.1 TICA 竿嘅QC可能會每支有差異，所以買之前要細心檢查。日本竿就比較穩定，一般每節都可完美地入八成。 ...

師傅，可唔可以pm我的主絲子線可以係邊道買？
另外主絲一般買幾長，用後點保養？就甘沖淡水定係攪出黎浸淡水？
有勞有勞！

cccow 發表於 2012-5-20 00:36
師傅，可唔可以pm我的主絲子線可以係邊道買？
另外主絲一般買幾長，用後點保養？就甘沖淡水定係攪出黎浸 ...

唔係師傅呀、我仲係一隻迷途小膠羊。
我會沖淡水、當然攪出來沖水係最理想。
主絲買幾長要視乎你嘅經濟能力、114L打到四百m以上、當然打滿佢就最好、因為呢隻追撃手好襟用、我果隻絞用了5年了。
但想經濟少少就買200m,再用膠絲墊底。但起碼200m。因為遲吓你遠投到七八十米，個絞只餘下一半作釣，加上日常損秏、縛結剪結、勾地、所以要最少200m。

釣魚郎DON 發表於 2012-5-20 09:36
唔係師傅呀、我仲係一隻迷途小膠羊。
我會沖淡水、當然攪出來沖水係最理想。
主絲買幾長要視乎你嘅經濟能 ...

又有野想問，
師兄你個石鯛架係咩牌子，係邊買？
另外呢，仲想問個架點樣同水喉碼合體？
可唔可以有相睇吓~
有勞有勞