手竿入門_浮標釣法001 (007)

寫這篇文章, 只是想分享一下用手竿釣魚_浮標釣法的一些心得.
希望對新手來說會有一些幫助!!
其實仲有手竿直感釣法, 不過本人正在練習中, 希望日後有一些心得時再作報告!
歡迎其他師兄也 提出寶貴的意見, 造益想玩手竿掃壆的新手!!

在石壆釣魚最好用18尺手竿, 其他長度都可以, 在這裏不詳談.
釣組如下:
18尺手竿+15尺主絲+太空豆+浮標座+1b浮標+太空豆+擰圏+3尺子絲+1b夾鉛+單勾+魚餌

主絲可直出, 即18尺全絲一條過. 也可以15尺主加3尺子或14尺主加4尺子, 原則是不超過手竿長度, 只可以短不可以過長.
如果分開主絲和子絲, 可以用擰圏或不用直接接上.
作釣前只要調好釣組深度, 例如要釣6尺水, 將太空豆(兩粒)拉到適當位置就可以作釣.
(現在已經不早, 至於怎樣睇浮標, 要明日了!)
以下是一些小配件

Ching 我想請教下, 通常手竿0既子線長度都係3 尺起? 同埋想問一問, 夾鉛夾係主線同子線0既分別大唔大呢? THX ~~

snakesnake 發表於 2012-5-2 09:29

                               
登錄/註冊後可看大圖

Ching 我想請教下, 通常手竿0既子線長度都係3 尺起? 同埋想問一問, 夾鉛夾係主線同子線0既分別大唔大呢? TH ...

假如我地用浮游磯釣 (ISO) 既角度去睇....
子線愈長基本上係會愈好的....
因為子線既切水性比主線的要好....
另外還有神奇的 45 度角科學方法....
夾鉛既位置就變成一個決定性既關鍵....
基本上我自己覺得手竿玩浮標某程度黎講同浮游磯釣 (ISO) 有點相似...
所以夾鉛分報要夾返風同流再決定....

睇完以上既廢話會唔會覺得釣魚好複雜....
其實我有一個簡單既方法可以教到你....
只要多D去釣同多作嘗試....
咁中到魚既機會自然愈大...

偉~ 發表於 2012-5-2 09:52

                               
登錄/註冊後可看大圖

假如我地用浮游磯釣 (ISO) 既角度去睇....
子線愈長基本上係會愈好的....
因為子線既切水性比主線的要好.. ...

絶對讚同

手竿掃駁如何調較水深呢? 因為近岸都係不平的啊??

terrence 發表於 2012-5-2 17:13

                               
登錄/註冊後可看大圖

手竿掃駁如何調較水深呢? 因為近岸都係不平的啊??

開始的時候會調到大約5尺水深, 然後睇下支標係點樣?
(支標係以不會自立的標講, 支標放係水會整支打橫浮在水面, 相反自立漂由於浮標下面有重量所以會直立於水中.)
過左一陣估計鉛已到底, 支標仍然打橫浮係水面, 即係過長!!
相反, 支標立即潛水,即係太短!!
只要拉回來, 就可以作出相對的調整.

如果, 第一次已調好之後, 支標跟著水流漂左一陣去走到其他的地方釣魚,
發覺支標慢慢打斜向下沈, 停左係到, 這個時候水底下面有野拉住口餌或者粒夾鉛, 所以支標會向下沈出現傾斜:
1/ 可能 掛底/勾石 (最大機會係)
2/ 可能 有蟹攪 (佢地最鍾意攪攪震)
3/ 可能 有魚食餌 (唔係冇機會, 不過可能好微)
禁樣就需要慢慢向上提竿, (唔係用力揚竿, 有機會斷竿)
睇下有乜野反應
1/ 冇反應---勾石, 向反方向再提竿, 試下帶出, 離開石塊.
2/ 冇乜反應, 但可以向上帶起, 有重重的手感--- 應該就係比蟹攪, 要繼續提高支竿直到隻蟹出水為止.
3/ 有小小震動的感覺---應該係有魚食餌, 可以揚竿或帶高支竿等佢食深d.
總之要試多d, 就會有自己的經驗!!

snakesnake 發表於 2012-5-2 10:08

                               
登錄/註冊後可看大圖

絶對讚同

絶對讚同 x2
偉師兄, 講得好啱!!

好想立刻去試下!!多謝師兄

C Hing, 期待您下一次的分享！

師兄，手竿加浮標、浮波，有甚麽實際功效?與其如此，何不用磯竿?

為甚麼用手竿釣魚?一、可以主動快速搜魚;二、直接感受魚訊;三、中魚時魚訊直接傳到魚竿，其間沒有太多延遲(delay);四、中大魚時上魚比較方便，很多時不需要撈箕或其他人協助上魚，適合獨釣。

再談。