帖子

[釣行] 32度的屠房

  [複製鏈接]
morimami 發表於 22/4/2012 20:44:59 | 顯示全部樓層 |閱讀模式 IP:- 香港
<
本帖最後由 morimami 於 2012-4-22 20:59 編輯

好耐都冇得釣……
一係唔得閒一係落狗屎
就今日零零捨捨係唔落雨所以9點起玩左6個鐘

sshtemp0421.png

好彩已經係唔濕同「短暫時間有陽光」
如果唔係真係猶如身處蒸籠或者燒烤爐實死冇生
唔知係咪之前落過大雨
漲水個陣D水核突到不得了
頭3節乾布都捽唔甩D漬
退個陣有流先好番少少

本來諗住試支新竿
東美小諸葛18尺
結果都係覺得偏重要用番支15尺
真係好想搵支夠輕又打得怪獸既18尺

次次去屠房都係喂魚多過釣魚
我很想鯉鯉知不知道

P4220029.JPG
P4220031.JPG

估唔到而家都有大肚鯉

到夏天D魚既力水真係唔錯(包括甩左連樣都見唔到個D
兩碌都係潮到頂個陣連上(時間推移1個鐘度即12點)
釣咁多次都覺得鯉魚真係有固定開餐時間
唔夠鐘就唔食
好似今次咁就真係只食到一水咁多

hko_tb0421.png

之前之後都係甩既甩
冇其他魚上過
開始覺得自己只係捉到同上到鯉魚訊
其他時間完全唔知做乜


評分

參與人數 3金幣 +280 收起 理由
highbeam + 100 我情願去氣霸, 你真利害!!!!!
NOAH + 100 加油!因為鯉魚訊係最易捉!
偉~ + 80 精品文章!!

查看全部評分

魚民語錄
黑雲 : 碼頭阿叔篇,一聲不響就來踩,兩枝投竿亂咁擺,三番四次掟過界,五副手絲六個排,亂七八糟要你解,九絲連環加隻蟹,十條狗公佢殺晒。
NOAH 發表於 22/4/2012 22:34:37 | 顯示全部樓層 IP:- 香港
18尺要輕又好用...要銀彈=.=
有力有腰既大把,但重...
師姐18尺都買溪流??(小諸葛係咪黎架?)
魚民語錄
hoiyatc : 維港墨魚東水魷,勤加出動釣無休,閒時抽空會老友,百般喜悅在心頭,全數放歸海裹去,食用一隻已足夠。
回復 支持 反對

使用道具 舉報

 樓主| morimami 發表於 22/4/2012 22:44:52 | 顯示全部樓層 IP:- 香港

佢話係台釣竿……溪流打怪獸多多都唔得黎死


支竿自己試過其實都OK好用(雖然我鐘意再挺些少既
用起黎都唔係真係好重要用都用到
但係就真係冇自己用開個幾支140G左右既15尺咁就手……

平時抽竿已經慢半拍支竿重要重就真係去邊都係喂魚……

銀彈暫時都係預500人仔咁上緊
但上過D大陸既版度問
都話要符合我需要既條件既竿
起碼預算要有750
但扔出黎D數據支竿都要重159G……

其實預算方面又唔係真係咁手緊
不過竿手上其實已經唔少都係睇多D先做決定好D
費視買左番黎自己用唔著放響度唔知做咩

今日試支新竿上面CAKE實晒D泥漬已經……
一諗到要750用黎撩坑(屎)渠……

不過首先要解決都係冇咩魚釣到既問題
要駛咁多錢買餌倒落臭河喂魚不如慳番D錢買支好竿……
今朝D訊都OK下晝一晒就死減九成
魚民語錄
kwansang : 有魚釣,解千愁!
回復 支持 反對

使用道具 舉報

NOAH 發表於 22/4/2012 22:57:06 | 顯示全部樓層 IP:- 香港
morimami 發表於 2012-4-22 22:44
佢話係台釣竿……溪流打怪獸多多都唔得黎死

上網睇左呢支竿!!好靚呀!!!!!
但...你買750....我PM你話你聽某網賣幾錢啦....

169g,其實鯉竿黎講算好輕架喇晌呢個價位既話!!
除非好好口碑...唔係既話竿真係拎過上手先好買...唔好到時後悔
都唔係架,臭河有時就係要用好d既竿
你都知啦,突然有怪獸你真係估佢唔到

會唔會係份餌既問題??你每次都係差唔多既??
調標呢???

之前我同馬田兄都係咁話...無論幾時都好,釣魚最緊要個位舒服=.=因為魚都係鐘意舒服哈哈!!
魚民語錄
delta : 香港魚樂網係香港No.1開工蛇王要睇嘅網站。
回復 支持 反對

使用道具 舉報

 樓主| morimami 發表於 22/4/2012 23:16:23 | 顯示全部樓層 IP:- 香港
本帖最後由 morimami 於 2012-4-22 23:17 編輯
NOAH 發表於 2012-4-22 22:57
上網睇左呢支竿!!好靚呀!!!!!
但...你買750....我PM你話你聽某網賣幾錢啦....

PM睇左
750唔係呢支……買個陣價位同你PM既差唔多響專賣度買既

餌個度係想專打大鯉
加上夏天想避水面雜魚
所以主要都係個份……

屠房大上大落既水深加埋水流同風
成日要就番個訊出得好唔好要加減鉛同換標
都真係幾金……

有時問題出左黎要逐樣搞黎試睇番衰邊飯
搞左一大輪之後水都退埋冇得玩……

天熱都係玩橋底地龍口個d好d
魚民語錄
好黑仔 : 唔釣唔知身體好。
回復 支持 反對

使用道具 舉報

NOAH 發表於 22/4/2012 23:36:58 | 顯示全部樓層 IP:- 香港
本帖最後由 NOAH 於 2012-4-22 23:37 編輯
morimami 發表於 2012-4-22 23:16
PM睇左
750唔係呢支……買個陣價位同你PM既差唔多響專賣度買既


我未試過夏天釣下游所以唔知呀..
多唔多菲仔搞住??
天熱我自己會開份淡口D既野
因為大魚既食性同小魚唔同架(有錯請指出,一齊研究!!)
太濃味應該會被小菲菲玩死...
我宜家咁熱釣都要將 我用開那份「怪餌」轉淡
效果會好過冬天個濃香版!
但你都有幾條大鯉啦!!已經好好喇!
附近有無其他人?

魚民語錄
flyfisher2010 : 雨過天晴,風調魚順!
回復 支持 反對

使用道具 舉報

 樓主| morimami 發表於 22/4/2012 23:57:06 | 顯示全部樓層 IP:- 香港
NOAH 發表於 2012-4-22 23:36
我未試過夏天釣下游所以唔知呀..
多唔多菲仔搞住??
天熱我自己會開份淡口D既野

今日冇咩人
開椅玩台釣既似乎係得我一個
其他既玩假餌玩FLY玩投竿CHOK魚各適其式

今日份野淡左多左雪花粉
但係比重唔同左落水又慢
黏度同霧化又難掌握左

菲同刀仔響水面都見到唔少
有大魚好過冇
不過其他時間可以有D細野打發下都好D……
大細魚都係魚與熊掌唔可以兩者兼得
魚民語錄
嵐哥仔 : 出門釣魚4件事,上網睇下天氣先,Call埋老友釣點見,齊齊中魚笑hehe,釣完之後做d咩,執埋垃圾至係in。
回復 支持 反對

使用道具 舉報

NOAH 發表於 23/4/2012 00:15:50 | 顯示全部樓層 IP:- 香港
morimami 發表於 2012-4-22 23:57
今日冇咩人
開椅玩台釣既似乎係得我一個
其他既玩假餌玩FLY玩投竿CHOK魚各適其式

我自己好少用雪花粉開淡口餌
因為我既目標魚都係鯉魚呢種中底層魚
個人覺得用雪花粉個比重輕左
會令窩料上浮而且要用較長時間落底...(有錯請各位指正!!)
而且晌半水時間長左會引起雜魚搶食
所以都好少會用

不過講真,夏天釣魚真係好鬼麻煩=.=
又熱又濕又多魚仔
魚民語錄
楊過 : 斷腸崖前斷斷斷,黯然銷魂再輝竿,苦等就餌若有期,千次白果又如何。
回復 支持 反對

使用道具 舉報

亞昌 發表於 23/4/2012 08:08:58 | 顯示全部樓層 IP:- 香港
落完雨衝晒d油出黎, 所以d水核突囉.......
師姐最近仲有冇上過上游釣呢??
魚民語錄
lalasan1203 : 一海都係鱸,睇到拖唔到,仲要四圍舞。
回復 支持 反對

使用道具 舉報

highbeam 發表於 23/4/2012 18:24:13 | 顯示全部樓層 IP:- 香港
我頂唔到屠房D味同無洗手間. 因為我有個玻璃肚 . . ..

我同日去左地龍橋底對面, 非仔太多, 釣到訓著左....
魚民語錄
魚情未了 : 釣魚去排口,魚獲密密口。
回復 支持 反對

使用道具 舉報

您需要登錄後才可以回帖 登錄 | 魚民註冊

本版積分規則

手機版|聯繫魚樂網|FISHINGHK.com™  

GMT+8, 15/7/2025 20:35 , Processed in 0.276852 second(s), 71 queries , Gzip On.

Powered by Discuz! X3.5 © 2001-2017 Comsenz Inc.

System by FISHINGHK.com Since 2007-2-16

快速回復 返回頂部 返回列表