筏仔原來幾好玩之屯門碼頭....

地點 : 屯門碼頭
時間 : 09:00pm- 12:00am
釣組 : 2主 1.5 子 中通鉛仔
釣餌 : 青蟲


今次算係第二次玩筏仔....估唔到開光魚係一條梳蘿....
之後中左條海鏈大約35至40CM...
不過可惜無帶撈基..
的到上岸邊斷左跌返落海..
第三條中應該係手板立..
可能抽竿不夠深..
打不入個嘴..又係拖到水面就甩左..
最後中左條不知名高速魚..
一食埋黎個杯逆轉..
立即按杯抽竿 1.5 腳即斷..
原來筏仔都幾好玩啵....哈哈



其實有幾個問題想問問大家....
見D師兄話落夾鉛....
但係自己覺得好難墜住竿頭....
為有落粒中通鉛壓底....
我想問咁樣算正確嗎....
另外重有線杯問題....
我想問大家係唔係都唔會鎖緊佢..
因為我發現等條魚食到隻杯逆轉出絲先再抽....
中魚既機會大過睇竿頭抽魚..
同埋想問問係唔係抽竿通常都過頭..
因為我上網睇過山本抽竿動作很大....
唔知咁樣算唔算正確呢....
最後想問問個線杯點洗....

拆出黎D絲咪鬆晒囉....

希望大家不要覺得小弟煩....

因為新手係有多少煩惱呢....哈

ching新入筏門已經悟道甘深,果然係慧根深厚
不過以後銀包又要輕d

恭喜! 有魚上到, 唔錯.

估吾到我新手用的的神兵 去左你度 大展鴻圖呀，公喜呀 XD “”

我從前拿呢支桿開桿魚就係三門仔阿馬度（已結業，應吾算公開場地掛？）

果時狂中烏頭開桿，你照落X手繩鎖杯，
之後支桿就這樣放，找東西在桿底
即係呢＝。＝“
好似甘，


相WHATAPP左你”“




粒中通剛好係粒勾上面
個人見解，碼頭邊咩都沒，中魚好難即時抽桿
如果其他師兄教下，我都想聽下意見＠＠

我自己都係ISO/Ikada雙修. 如果通常唔太走位 將支竿放係地下 睇竿頭既話
夾鉛我自己計都盡可能唔太重(睇流同埋多唔多魚仔), 緊緊夠重就得 等竿先
既敏感度囉到最盡 最方便睇 (又唔頂口).

另本人覺得抽竿 當然盡可能夠力打(穿)中魚嘴 不過都好少做到山本咁誇..
虛絲唔多既話, 正常抽竿 跟手立即追絲都應該冇問題.

有時間同樓主去玩返手~ 因為我有好多ISO 野問

如果唔係搓波仔..  我都鐘意用中通...   不過就係鉛置底...   上少少綁子線等佢飄D

其實有幾個問題想問問大家....
見D師兄話落夾鉛....
但係自己覺得好難墜住竿頭....
為有落粒中通鉛壓底....
我想問咁樣算正確嗎....

落幾重鉛睇流水, 大流就重d啦
當然睇你支竿調性


另外重有線杯問題....
我想問大家係唔係都唔會鎖緊佢..
因為我發現等條魚食到隻杯逆轉出絲先再抽....
中魚既機會大過睇竿頭抽魚..

我會, 因為中細就無所謂唔識走, 但係中大野飛奔你個杯好易炒粉
如果你唔想鎖記住磅住個杯一有魚中就可以禁實

同埋想問問係唔係抽竿通常都過頭..
因為我上網睇過山本抽竿動作很大....
唔知咁樣算唔算正確呢....

睇人啦,  磯釣你睇高橋磯佢咪又係誇抽

最後想問問個線杯點洗....

拆出黎D絲咪鬆晒囉....

要攞隻杯出黎洗, 可以搵膠紙痴住d線先

弓喜! 弓喜!

屯門碼頭邊個位可以玩筏仔?  我住天水圍  淨係可以上蠔排玩筏  一係就要去到三門仔  或者老榕  
如果可以  師兄可唔可以PM下小弟?