本帖最後由 亞昌 於 2012-2-13 23:15 編輯
今日去水塘想釣鯉魚, 記得勝哥話釣鯉魚要响樹底下面釣, 於是我搵佐個樹底位釣......
又開咩餌好呢?? 記得勝哥話d餌係要花生夫加藥酒, 又開好喇......
點解冇訊既呢?? 記得勝哥又話亞昌你唔好成日搓鼻屎餌啦, 要搓到好似牛睪丸咁大粒餌先有窩釣到鯉魚架!! 勝哥又話水塘d鯉魚要夜水先釣到架!!
d鯉魚果然一到黃昏即刻活性高晒打晒水!! 唔洗講, 都知邊個講啦.........
今晚拎枝18呎手竿釣, 送竿揚竿好舒服, 入黑後, 中條60cm戰鬥格大豬公, 我反手打四個8字都攪佢唔掂, 有下仲比佢拉直枝竿, 心裡不禁好驚, 好驚會鎖炮, 因為呢期我地既話題都離不開鎖炮呀,,, 哈哈 好在, 魚上到又冇鎖炮, 60cm鯉魚!!!
一路釣都有魚訊, 今晚一共釣到5條鯉魚, 一條鯉魚爆咀甩佐, 釣仲到4條錦鯉仔, 釣魂回歸!!
雖然有魚釣, 但係我突然冇啦啦聽到有下咳聲, 個人即刻淆晒底, 立即執野走人.....
行番出去時條路又濕又跣, 仲跣佐好多次腳添, 經過佐今晚之後, 我既釣魂正式歸位!!!
因此各位魚友, 如果想學釣魚, 一定要pm我地既淡水版er007er版大喇, 嘻嘻~~
|