好多淡水釣餌粉唔知可以點用><

小弟買左上果D 野釣淡水啊~不過D 餌粉真係好多完全唔知點用><~
上面D 餌可以點用嫁?~如果我係想去大美督釣~
想問下有無D 地方係岩初學者去嫁?~

鰱搭鰱鯉搭鯉搭錯羅非唔理你。

我預31號去悟恫河,去否??

你d粉其實都好大路, 如果d魚開口食其實都冇咩問題!!
以而家既天氣, 對於初學者而言, 去上白坭魚場比較好, 所以我年初3都去個度求下魚先.....

敢點溝法嫁?~係咩粉+咩粉來去釣嫁?

每個場都有佢自己得食既配方
上網搵搵會有
另外就係原塘料（個場本身用黎喂魚既料

d粉包裝後面通常有寫點開
啱啱玩最好用番一種大路粉照住黎開住黎玩先
台釣本身已經太多野要兼顧如果唔熟會好多野搞
太多粉溝出左問題跟本分唔到係咩原因

粉有分主粉（比例最多）有加味（添加劑）
有調整狀態（比重同霧化黏度etc
識分呢d之後再跟據唔同粉既對像魚
了解番唔同既粉既味同特性
先黎溝自己想要既粉比較好

最初溝先1溝1調整水量同狀態ok
無咩問題先黎下次再加其他野
主粉盡量控制響3隻以內
避免味太雜魚都唔食

大陸網點有好多文章會介紹粉餌點開
餌粉特性邊d溝得邊d唔溝得
咩魚咩季咩魚情鐘意食咩野等等
可以了解下有個概念第日開餌參考用

網上面大陸有唔少網頁有配方可以試
不過就未必一定啱香港用
但係就唔好好似新手睇食譜咁
呢樣好個樣好就一於大包圍
諗都冇諗過係得唔得咩都少少溝晒落去
通常煮壞餸整壞舊餌都係因為咁

friendip 發表於 2012-1-21 20:06

                               
登錄/註冊後可看大圖

敢點溝法嫁?~係咩粉+咩粉來去釣嫁?

初初玩唔好咁複雜, 是但單開一款就得, 如果嫌唔夠黏既話, 試下加少少面粉!!

其實只要將包裝上說明 按水量開便可以
鯪魚餌 一般都係麩類 可當底餌 同其他混埋用
蝦粉, 香精等添加劑只宜按魚情添加
拉絲粉同粘粉 調狀態用

多小魚 可減少水開硬點
冇魚訊 可以開軟點

睇完各師位兄的回覆, 都學到對淡水餌粉的概念.
真係學到野!