本帖最後由 烏絲 於 2012-1-2 17:41 編輯
呢個問題係界呼於.. 放生與大細通殺.... 相信已有不少"主題"討論過~
我係呢個網到見過..大大小小唔同既PO.. 見過唔同既師兄..講過唔同既野"
有師兄話過: 唔放生都唔係最大惡極!!
亦有師兄講過:身為釣魚人...悟好咁賤格啦...悟要就放生... / 從小就教導放生小魚/
同樣有人講過:保育,唔好濫殺,但偏偏很多人既心態就係以釣得多為榮...
相信..該網提倡catch & releasE ... 但點解仲要有人放D魚仔既相上黎??!
我相信.. 應該唔係有挑戰既意味?定係.. 呼喻而已?
爆叔其中一個置頂既PO有講過..:
魚樂網絕對不歡迎及禁止於他人帖內,
對其魚獲,指指點點,諸多批評!!
此舉不單止對推動保育毫無幫助!!!
及
本網亦絕非放生網,
口誅筆伐令你見不到大堆頭相片,
又是否代表大小通殺情況不存在??
件事係咁...
我係等人既途中...有時間空左出黎..
於是我就去買左一兩蝦去海邊釣住等人
開始無耐..我釣到條班仔( 20CM左近)..有個老人家走埋黎: 細佬唔要冇X放生啦.. 俾呀婆丫麻"
(我平時除左OvER 30既魚唔拎[自己格言] )
我唔好意思咁答:唔啦.. 我放返佢算.. 俾大自然生生咩息丫麻(我諗住詼詼諧諧咁..笑住講過去)
跟住轉個頭又中左條大少少.. 22~24CM左右,
個呀婆即沖埋黎話: 多謝多謝...
跟住我答: 唔好意思.. 我平時釣魚呢個身型我會生放... (笑住對佢講)
佢嬲住咁答: 搞X錯丫... 唔要都唔俾人..洗唔洗咁黑心..."
[當時我即好賁怒,我但聽唔到繼續釣魚...]
但後面D人個個係到
冷言冷語... : 唔要咪俾人囉/ 洗唔洗咁(小氣)丫 /依家D人真係...
↑以上我都係扮聽唔到咁繼續玩前打.. 一路行一路釣..
我X,佢地跟住我..." 我呆....左"!!
我有問題:
唔放生唔係大罪... 難道放生係?定係唔釣魚先係?
偏偏很多人既心態就係以釣得多為榮
為榮歸為榮... 唔要都唔一定要俾人姐??
的確我身為釣魚人..
但我唔要.. 都唔係一定要俾人掛..? 我都係想個海生命長D姐? 錯係我?
我冇話過我係岩... 但洗唔洗追住黎嘈我?
爆叔:
魚樂網絕對不歡迎及禁止於他人帖內,
對其魚獲,指指點點,諸多批評!!
此舉不單止對推動保育毫無幫助!!!
及
本網亦絕非放生網,
口誅筆伐令你見不到大堆頭相片,
又是否代表大小通殺情況不存在??
Re爆叔: 我今次開始懷疑..放生既背後意味住乜野"!?
我只希望做一個 For MySelf 既保育..唔算係錯丫呵?
Catch & ReLeAsE 到底要點先岩.."? 就算唔要都要係人地面前扮,話:我要拎走?!
咁樣唔係迫人大細通殺?
爆叔您話過..用行動去感化.. 我行動左.. 但係依家係我去俾人感化返轉頭.."!
我靜靜地諗左好耐...
條魚細細條.. 我要放..您唔俾.. 但仲要我俾您....
相對婆婆..您死左之後係咪可以 擺落海到喂返佢地^^?
假如您可以.. 我同樣可以!!
以上本人絕無任何挑釁並無為吵鬧而吵鬧
我希望可以釣魚資源出一分力!!
見到魚既屍體係地下.. 我真係非常之心痛...
唔好意思..
浪費左各位師兄咁多時間睇哂佢...
|