請各CHING盡量放生大肚魚【○┴◎】

  入冬後開始係釣立、花鱸、石九的季節,近期睇POST,有些CHING唔理大小鱸,黑沙,就連有春的石九都唔放過,琴日去老地方打粉,左右兩邊發現D沉低佬又係大小通殺!唔通食多一條魚會長命D?大家都只係為娛樂及興趣,假如是因為食,又唔走去街市買?重方便重輕鬆啦!
        近年令魚獲一年比一年少,假如身為釣魚佬都唔出一分力,等政府出手就太遲,因為現法律沒有完善規劃去保護本港水域的生態,保育區又少,漁船長期拖網等各問題!再過多半個月到,大家就會係街市睇見好多的大小及有春石九買賣。如果大家可以出一分力盡量放生一些小魚及有春的魚,就能為海洋作出重要的保護!  

   希望各CHING盡量出一分力,祝大家長釣長有

沉底佬釣魚不是罪！唔放生亦都唔係罪大惡極！佢地亦未必係純粹為興趣釣魚！好多人係釣魚係半為興趣及半釣o黎食！人點做我理唔到！自已做好本份就得！冇需要向其它人批評！我都唔想三朝二日又見到呢類post！好易又會罵戰！其實你睇睇出post 之前都有句   

                               
登錄/註冊後可看大圖

最緊要自己做好本份已經足夠,人地點做我地唔理得咁多,引起紛爭就無謂啦,大家唔好傷和氣
但係都好希望香港政府可以重視海洋既保育,立例規管一下

其實唔可以剩係話沉底佬, 就連磯佬, 筏門中人等, 個個都應該量力而為, 食得幾多就拎幾多, 食唔哂既就拎自己夠食既魚走。
其他既都應該放返大海。釣魚唔應該抱著怕蝕底既心態去釣魚, 我就只會抱著享受技術切磋, 對魚獲一早已無經求數量, 但求過手隱。

其實魚樂網一向都鼓勵放生，即使攪比賽都需養活放生。
不過點做，要殺定放，唔係強迫，而係教育。
一切從自己出發！以身作則！
用自已行動感染其他人。

我就只會抱著享受技術切磋, 對魚獲一早已無經求數量, 但求過手隱。 X 2
回復

除非本身係為石狗去釣. 唔係既話會CATCH N RELEASE~

只要互相慬得尊重，肯去包容，放生保育既話題又何需忌若洪水？

一個地方要有魚源足夠給予釣魚人去玩樂，有美好環境給予我們去閒遊，正確去學習保育意識是必然的了。學習釣魚不就是學習大自然嗎？

非常認同。

今天去岸邊過手癮，釣了十條八條石九，只有相中那條有春，一上岸就散春，擒擒青全部掟番落海。

原來大石九食細石九，一上岸就吐番出來，又長了一番見識。

ygz1992 發表於 2011-12-30 23:33

                               
登錄/註冊後可看大圖

非常認同。

今天去岸邊過手癮，釣了十條八條石九，只有相中那條有春，一上岸就散春，擒擒青全部掟番落海。 ...

卻之不公，受之有愧。多謝。