78CM

拖黎拖去, 都係啲未成年, 忍口, 即捕即放.........


轉個位, 諗住埋齊收工, 掃庄邊, 口餌收到半路, 食埋黎, 頂起黎收,
又奇播, 支硬竿第一次呈現出呢種彎度, 個攪係咁出絲, 個人一醒,
即刻收緊磅頂, 條野係咁飛, 又洗鰓, 攪一輪先冷靜到下來.

碼頭位無撈箕, 唯有拉佢去石級上, 不過途中要經過5-60尺,
條魚久唔久就插吓庄底, 臨近到步時, 重俾佢成功插左入去,
感到條絲磨緊柱, 拿拿聲抽返佢出黎.

呢個時候就喃喃自語: 魚兒妳真要走, 我不留妳, 並且祝福妳,
但請妳將我們的結晶品, 就係沾上妳體香的假餌, 俾返我, 而家好貴啊!

可能我的誠意打動了她, 到左碼頭浸住水的石級位平台, 佢係咁意再衝一野, 態度就軟化了.

跟住乘著浪頭, 弓起條魚, 衝上石級, 呢吓真係弊加火啦, 衝唔到上平台!
只係到左石級, 因為無左水既浮力, 加上口餌本來只係鈎住佢面珠登, 即刻一野甩左,
飛返口餌上黎, 條魚就咁打橫架在3級梯級上 !

好彩, 係魚頭向上魚尾向下, 魚鱗逆向, 先至無一野冼返落水, 佢好安詳咁呌緊氣,
即刻拋低支竿, 行落去, 比一比手位, 右手魚頭左手魚尾, 半托半推上左平台.

就在此時, 浪頭又來啦, 雙腳頓時涼浸浸, 濕到上褲腳......

賴野, 手指痛既?! 俾魚鰓鈎損左.........
所以成日講, 做呢啲高危活動, 記緊要帶套, 那怕是勞工手套, 安全好多既呢!

睇返條絲, 拉腳有啲花, 布繩都有啲花, 好彩條柱無蠔粟, 唔係又要買餌?!

能有耐性睇到呢到, 就俾張相你睇吓啦

好勁ar!仲要拖到魷!我都想試下...

弓喜..弓喜.....

epaulsm 發表於 2011-12-15 11:23

                               
登錄/註冊後可看大圖

好勁ar!仲要拖到魷!我都想試下...

吓, 實情係拖唔到鱸, 久唔久就有2-3條魷條飛過,
唯有攞隻SINKING扮姣蝦咁既姿態, 佢又唔介意,
禽埋黎, 就幫佢影影相.......

後尾, 仲有隻磅頭大尾魷, 貼近水面游過, 咁啱口餌又收到埋身,
引吓佢, 佢居然揚開觸鬚避開, 即刻調整口餌, 回到佢背脊位,
諗住鈎都鈎佢上黎祭旗, 點知口餌沉得不夠快, 貼唔到身, 抽唔中,
佢都知死, 即刻沉入水底...........

lym000 發表於 2011-12-15 12:02

                               
登錄/註冊後可看大圖

弓喜..弓喜.....

今次撞彩啫, 巳經龜左好多次啦!

ching係邊頭拖-? 我果到有鱸仔到不過得幾條

smile^_^ 發表於 2011-12-15 12:42

                               
登錄/註冊後可看大圖

ching係邊頭拖-? 我果到有鱸仔到不過得幾條

小弟主場--西水一帶

其實呢啲都唔似係大批新水鱸成員, 呢年黎, 週圍都有啲小嘍囉, 磅頭都無,
久唔久有3幾條4-50CM的, 呢條算係似樣啲, 不過都係獨行俠.

未見殺戮式打水戰場出場, 只係久唔久放一吓半吓爆丈.........

弓喜! 弓喜!

figs 發表於 2011-12-15 12:53

                               
登錄/註冊後可看大圖

弓喜! 弓喜!

多謝多謝! 撞彩撞彩!

all-kind 發表於 2011-12-15 12:50

                               
登錄/註冊後可看大圖

小弟主場--西水一帶

其實呢啲都唔似係大批新水鱸成員, 呢年黎, 週圍都有啲小嘍囉, 磅頭都無,

我都係西水...但係荃灣D鱸真係只係跟唔食- -