第一次

由八月開始接觸釣魚，到上星期終於突破全龜既命運！

第一次出四HP艇
第一次用船竿
新船竿第一次出擊
第一次船上釣中魚
第一次艇釣中魚
第一次好肯定 feel到魚咬一上即中，不用拉上拉落
第一次口中
第一次入扣
第一次中班班
第一次過斤
第一次有魚帶回家吃
全部一次過發生。


破龜第一條係由我so far 唯一中過既魚類（在岸邊手竿中過下）：雞泡！



多謝小雞泡Devirginize我支竿之後放生了。

之後先上了一條手版size小魚中口！七連打龜命運終於突破了。魚太小又放生了。

然後又上一小百花“魚或”，好似有八両，全入扣but無相。本來心中以為都好，起碼釣魚咁耐終於叫有條魚可以帶下回家，總好過無。

全日都好口疏下，唸住有多條埋齋都算係一個小突破了。奇妙既事就係呢個時候發生了。我地一轉位，一下餌，一分鐘左右，支竿一小搖，一下之後我就feel到好實。收絲幾下，頂，地球？！咁我放絲然後打算用手拉絲出石啦，點知一拉，鬆左？Good。

我個朋友就問我：“中野呀？“我就不太肯定話又似中又似kick 石。

咁就再提竿收絲啦，唔係喎，一路收磅頂一路放絲既？跟住支竿又一沉。朋友即是叫：“中野啦！”

我用1.5子線，所以磅頂好輕。我一路收磅頂一路放，於是就話，“呢種感覺咁似kick石之後我一路收磅頂一路放既？唔通真係kick石，之前果D係幻覺？“。就係呢個時候，條魚好似提醒我咁，大力一拉，支竿又一沉！我終於覺悟是真的中野！而我個朋友亦叫：”中啦！收上來啦“

於是我就不作他想，收佢上來：



就係咁，我釣魚人生呢個第一次旅程就有了一個完美既結局。

我第一次中既班班！在家一量，都有差不多十四寸，應該有斤零兩斤吧！雖然同我係呢度見師兄釣上來既比，只是小班班，但對我來說已是巨物了！



第一次食自己釣的魚，好好味！



真係要多謝見我連龜七次都仲不斷繼續毒我既朋友，同埋煮魚既大廚！

因為終於中魚，心情興奮發post!請諒低能同大驚小怪既描述。咁我真係未見過大蛇呵尿架嘛！

在我差不多要對釣魚投降既時候，這條魚可能令我還是釣下去了！

多謝分享，我都龜左兩獲，重未破龜

弓喜! 弓喜!

有餐餸!!!!公喜公喜.......

Yeah, very happy for you!!!! Congraz, let's get more fish!!

arron613 發表於 2011-12-7 13:56
多謝分享，我都龜左兩獲，重未破龜

師兄，支持下去，好快破！！

好!呢條大黃丁,唔少人未中過.
前程無限!獎你 100分

好大條黃釘,勁呀

恭喜師兄全部第1次都破哂下次釣爆

皇天不負有心人，望兄台努力啊！