昨日天氣剛剛好 回暖左小小,比賽就十分舒服!!
不過吹嘅風及幾日黎水嘅環境 實在令我地擔心魚獲....
 既然日子黎到就唔好諗咁多...
大家膠膠慶慶出發去,早上都係按程序集合攞蝦粉,
的士再攞禁區紙落艇...下刪伍佰字...
了解左上一場出現嘅問題,今次就再安排一吓及說明,
 經過一段寒風刺骨嘅船程...真係好很凍!!
上到排 各位比專業更專業嘅釣手,己經好熟悉...靜靜咁準備一切,
只係期間...間唔中大家互妖幾句{:70_3730:}為寧靜嘅小海灣加添小小咸味,
特別一提係...大三巴哥哥竟然帶備槌仔黎扑野{:70_3722:}扑乜野??
涉及個人私隱,想要知道,請直接聯絡佢本人,
{:70_3723:}大家開賽前嘅準備工作,好快就完成,
亦即時進入抽位程序,有上一場嘅經驗,抽位結果大家點滴在心頭,
其實大家都預左今日釣況麻麻地,所以都釣得無乜壓力,
咁係咪無晒爭勝之心??非乜...應該係強左就真...
因為大家分數好接近 當魚情欠佳嘅時候,
中一條魚已經可以改變劇情結局,
所以大家都知道機會係均等,亦明白把握到一條魚嘅機會就會取勝!!
大家可想而知,超靜嘅海加上一團熊熊欲火嘅比賽心情,
係幾咁唔夾....
上半場一路釣都有d立立雜雜魚獲,
 唯獨呀Ray哥有條立仔中吓,
大家眼見有立中都好努力係咁搓係咁搓,
差D搓爆個波咁濟...
時間一分一秒咁溜走,
 好野!!...唔係釣到魚!!...係夠鐘開餐!!
休息左一段時間後,大家都諗住氣溫高左D,釣況或者會好D掛,
當然梗係繼續努力!!
其間排主上左黎睇吓我地乜野環境,
佢見我地死吓死吓就話...
 撈箕邊度有乾架??
唔濕吓水邊有魚中架!!唔吉利架...
說時遲那是快,大家都ASAP咁濕吓個撈箕先
真係...........激死.......
大家轉左位之後...際遇各有不同...
有人由"靜"變為"寧靜"...
有人命犯天煞孤星,獨霸一角,
有人痴埋一埋,
有你有我有情有天有海有地...無魚!!
其實大家都知道 只要極少嘅魚獲就可以馬上扭轉賽果,
甚至係一條合格嘅魚...
所以一堆人各自有心情 大家都好留神,
就好似怕走失任何一個發達機會咁,
睇得個竿頭實一實 差d跌左對眼出黎!!
突然之間高潮到 京一哥哥好似標童咁左攪右攪,
原來中左今日第一條老烏...嘩...好爆得啊!!
大家都好緊張!!點知上到水面 佢想用手淫...條絲果陣就甩左...
咁...小海灣又即時變番寧靜 好似無發生過任何事一樣!!
睇住個天色漸沉大家心裡有數 知道時日無多...
{:78_4096:}突然間又出現中魚嘅興奮聲音,
當走近睇...好呀!!又係中老烏{:78_4092:}釣手好小心咁收,
{:78_4095:}終於成功入袋!!
咦...暫時個賽果又有變化喇,
{:78_4109:}各選手又要盤算一吓剩低落黎嘅時間,
要點樣改變作釣策略呢??
當工作人員宣佈剩低嘅時間...{:78_4083:}
{:78_4086:}..半個鐘...15分鐘...5分鐘...30秒...
大家都唔放過...差d求期都要掉口餌落去...{:78_4124:}
好!!夠鐘......比賽正式結束!!{:79_4200:}
幾位得獎者都係以小分數差距跑出,
真係贏得好辛苦!!
今場比賽大家都好有體育精神,
一路鬥到最後一刻,咁嘅釣況...實在係好辛苦!!
花絮就報導到呢度,跟住就要講吓謝言...
雖然釣況麻麻地,但最重要都係多謝天公做美,
有個咁舒服嘅天氣比賽,大家睇吓今日嘅天氣情就明白!!
第二要多謝各位報名參賽嘅網友,
無你地支持,比賽根本唔可能舉辦得到!!
另外係要多謝幫我地安排魚餌嘅店舖,船家及魚排排主!!
最後亦係最重要嘅幾位網站手足,
各位勞苦功高...缺一不可...辛苦晒!!
特別要多謝華少,知道你要返工不能出席比賽,
但係都要一早出門幫我地打點一切,
賽在太過份...辛苦!!
期待黎緊嘅筏釣活動再同大家見面!!
|
提升卡
置頂卡
沉默卡
喧囂卡
變色卡
千斤頂
顯身卡
樓主
...乜招都出晒！得隻蕉！...
!!!!!!!.......其中一句:由"靜"變為"寧靜"{:57_3520:}...(笑咗)