處男下海南油3天2夜

BillyCKY · 發表於 9/9/2011 19:38:25

今次是我第一次出南油, 3日2夜真係又好玩又辛苦.
早上9點出發, 全船人15個, 直到晚上10點幾先去到, 已在船上食左2餐, 及見識到好多人都花好多錢在釣具上,
我真係....大開眼界, 起碼成10萬蚊套釣具, 但係見佢中得幾條魚, 不過話個金絞可以釣巨物.
去到之後, 我用50LB 手絲玩, 水深100M左右, 好快就比我釣到第一條章紅, 起初以為中左石頭, 船上既工作人員行黎睇一下,
佢話已經中左, 我好開心, 但覺得超重手, 原來食落黎係得小小反應, 起左成幾分鐘先上水, 立即影相.
之後話比旁邊既人要釣底, 好快身邊個阿叔又中左, 之後我又中, 今次反應重勁, 我燒手指, 出左好多次絲, 最後上水.
之後我就釣池仔, 原來池仔成12寸長, 拎支筏仔2.5號主+2號腳, 釣左好多條池仔.
其間有多人用JIG竿中魚, 不過都斷完又斷, 180LB腳都好易斷.
一直釣到天光, 之後我拎支紅友竿去放流, 4號PE+100LB腳, 放到40M左右比我中條拉侖, 之後在40M-60M水深中不停中,
但有次頂魚時聽到"咧"一聲, 就知道支竿已經重傷, 最後一次頂魚時, 不停出絲, 身邊既釣友見我頂魚頂到唔夠力, 幫我一手頂...
之後2秒後一聲"POP", 前支竿頭直插入水, 唔理咁多都要抽佢, 但因為果下一放, 比佢拉入去斷腳.
之後問人借支JIGGING MASTER (MAX 32KGS)+ STELLA 20000 去玩, 玩唔慣, 又重手, 中完條拉侖之後再中海狼.
之後就好累....
今次船上釣友中左D好野, 有瓜子班, 藍牛廣, 勁靚.
最後一日夜晚去左個專釣太刀既油井, 見D人不停起, 但我就太累+暈船浪, 即時上床訓到上岸為止.

我第一條既章紅