大埔3.3匹釣魚仔~爽

日期:2011/06/24
時間:11:30-17:45
地點:大埔三門仔至白沙頭一帶船隻:自駕3.3匹
釣法:1.4米筏仔2號絲1號立釣直出
魚餌:紅蟲


話說近來天氣飄忽,唔係大風就係落雨,攪到無得出去釣魚手痕到極點,眼見隻海馬一走,即係約埋個fd book艇去大埔租隻3.3匹釣下魚仔過下手癮....


去到釣點,發覺風太大...想唔落撈飄住釣都唔得,唯有責撈釣啦...!!釣左一陣經已釣到大量2-4指沙立,太細的都隨釣隨放!!玩多陣我老友口中唸唸有詞,我問佢做乜春野,佢就話佢支竿頭唔知做咩係咁好微弱咁震,好似俾魚仔玩咁...!!呢個時候我叫佢抽竿啦,佢一抽...發覺魚有點勁度..玩左陣上水,原來係斤頭黑沙一條..!!點解唔係我中既..


到左下午三點幾風開始收細,立即收起個撈...兩條友不斷車前倒後飄住黎釣!!魚獲亦都開始多返d!!我對手只係不斷鈎餌--->抽竿--->解魚.....返到屋企先發覺隻右手累到不能握成為拳頭狀


不斷抽抽抽之後,原來話咁快就差不多五點,要開艇走人了!!雖然是日只係釣下魚仔,但勝在能夠過下手癮,滿足一下抽竿FIT一聲既慾望..呵呵!!


本人魚獲:
釘釘x3 烏絲仔x2 黑沙仔x2 火點x1 花頭梅x1 沙鑽x9 三蘇x1 二至四指沙立仔數十條 大量梳蘿,廉咪,哨牙妹

弓喜! 弓喜!!

恭喜師兄

日期:2011/06/24
時間:11:30-17:45
地點:大埔三門仔至白沙頭一帶船隻:自駕3.3匹
釣法:1.4米筏仔2號絲1號立 ...
dxxcuss169 發表於 2011-6-28 12:04

                               
登錄/註冊後可看大圖

    哇....魚到爆呀!!!

正呀~~有得玩有得食

公喜曬...唔錯呀

回復 1# dxxcuss169
恭喜!!恭喜!!

恭喜師兄然種不錯啊

弓喜.....請問可否PM租艇資料比小弟牙...小弟想帶下老豆去玩下呀.....萬分感謝..

弓喜.....請問可否PM租艇資料比小弟牙...小弟想帶下老豆去玩下呀.....萬分感謝.. ...
tsz_b 發表於 2011-7-2 06:44

                               
登錄/註冊後可看大圖

已pm了你啊...玩得開心d