本帖最後由 all-kind 於 2012-6-19 12:28 編輯
v123123pk007 發表於 2012-6-8 08:27
石蟹會食蟹仔嫁=0="?之前都唔知.....仲有C 兄你用班仔活生生做利 定 起左肉?
剛剛才看到師兄回帖, 因為之前2,3,4月係個人休漁期, 比較少上漁樂網......
雖然5月都出動過吓, 不過都係俾龜仙人逮個正著--打龜!
well, 呢個帖係舊年的陳年往事也, 具體記憶不是很清晰了, 當時係有好幾隻蟹鉗餌,
被拉上水面才願放手, 鉗魚肉就好肯定, 蟹鉗蟹, 就不肯定了.
不過, 之前用剩蟹仔, 帶回家, 暫借鄰居的魚缸養住先, 點知過左一晚, 俾佢隻小龍蝦,
(4吋長)食哂, 剩返啲蟹鉗仔係缸底.
所以, 我諗蟹食蟹都好正常, 睇過BBC, 同種大蜥蝪食年幼的蜥蝪,
唔同種的猴子, 集體分工捕獵一隻帶緊BB的猴媽媽, 當作食物;
再回想一下, 人世間何嚐唔係人食人?!
至於班仔或石狗, 都有用黎做餌, 不過若打沉底的話, 一係剪哂的魚鰭或去頭,
否則會入石, 若果用黎浮釣, 倒可以留活口, 不過要配大浮力浮波.
再者若用石狗打沉底, 最好係鈎嘴(先剪鰓去命), 否則鈎其它位, 記得鈎少少好啦!
之前試過用2指半的一條, 鈎背脊, 打沉底, 中左魚, 收得幾手, 條魚開口甩餌, 走左魚.
因為個鈎的弧度俾背脊的厚肉佔哂, 鈎尖雖然外露, 卻不夠角度去鈎條大魚的口腔,
再加上石狗的肉好死實, 無法爆鈎(齊魚,池魚則肉稔, 一抽就爆鈎), 空留遺恨!
所以依家多數係起肉, 用界刀係兩邊魚尾貼住脊骨, 向魚頭方向推一刀, 就起到兩片魚柳.
|
[複製鏈接]
顯身卡
樓主
