05/07喜靈洲恐怖釣獲

1730到埗
魚僮裝備 竿:石鯛一枝
小妹裝備 竿:廿五號投竿一枝
1810開好竿,一直零魚訊,大約至2230開始,兩個人共起七條油鎚
到0030收竿走,小妹共三條入石起唔倒
最大兩條各約斤半重,諗起江湖傳聞嚇得我

真.真,真係有蛇

師姊....
我係新手黎噢....
我想知江湖傳聞是什麼噢....?

妳哋係咪用魚仔做餌呀..?打沉底用魚仔中油鎚係常事,我同朋友之前喺喜靈洲天然礁嗰邊打鯛都係中好多油鎚,
中到都唔想"起"佢,之後攞技手竿落蟲釣腳邊反而中咗絛斤頭細鱗,我有朋友以前用手竿落蝦中咗條大嘢,
一手都回唔到,幾秒時間連枝竿都"炸"咗,赤到佢.....哈哈...

[ 本帖最後由 石鯛師 於 2008-7-6 20:16 編輯 ]

真係,真係好恐怖

你都幾夠pop喎!
比我就唔釣喇!
下次釣一兩條好喇! 有d野唔好唔信呀!
呢d野都唔係咩江湖傳聞，你查下d油追鍾意食咩你會明白架喇!

師兄您好
江湖傳聞係油鎚喜好食腐肉,
如果釣到三條就要走or轉位,
因為嗰度可能有屍體所以吸引大量食腐肉魚種

師兄您好
嗰度真係好多
已經嘗試掟近啲/左啲&右啲....
但係完全唔得,喺嗰兩小時全部十幾口魚訊都係油鎚

師姐有口福喎，蒸同紋都咁正

師兄您好
小妹用魷魚中,
漁僮用鱭魚中,
我懷疑結集左强大油鎚群
完全冇停過食餌,
有朋友開磯竿打粉完全零魚訊
到最後佢用手絲釣咗幾條石狗仔...