3月14日蚊洲大倉突襲

當日一行數人跟埋艇家玩船釣,去到目的地北尖一帶,
艇家看一看魚探機,並說:水底有大點o既魚,可能有大魚群,
話唔定係大黃立倉,當時約清晨6:30,只得我地一艇準備作釣,
釣了一會,我先中一條石馬頭仔,約10両,我去蚊洲艇釣就係想釣石馬頭,心諗中多條就好,兩條一碟夠食˜
從中獲石馬頭開始,陸續有釣魚船到來釣魚啦,就在此時,我身邊有人中魚,一中一抽 ,力量勢如破竹,
而我朋友亦不是省油的燈,以力鬥力,終於導致爆嘴甩魚收場,
艇家就提點,要走俾佢走,因為魚大,而我地用的鈎又不大,不宜硬取,
話口未完,艇家手繩中,由船尾玩到上黎船頭,再由船頭又走返船尾,終於見到魚,
10斤有多黃立倉上水,艇家比我們還興奮,與此同時,我再望望周圍,已有5,6艇之多在作釣,(之後更達9艇)
其後不斷有人中魚,包括其他艇,但斷魚爲多,我地船:艇家斷兩口,有2條白立(約斤半同兩斤),我朋友再斷多一口,直鈎一口,最後都拎咗條黃立倉(12,13斤),
而我就一條倉都冇中過,但中咗3條白立(約1斤,斤半,2斤),之後轉位去三本岳,超緊流,全船中約20條雞魚(磅頭至2斤內),
我同另一位釣友各斷多一口後,估計係大白立,今日旅程就正式結束,謝謝觀賞,最好俾埋分我o拉˜

我代船家同釣友展示條倉


我o既收獲

弓喜師兄有兩粒大孖倉..........

真係好鬼大絛, 引死我

好大餅呀！
如果我都有魚探機就好啦！
條魚好大，幾個人都食5駛！

回復 1# cotton


    大陆艇!!追大昌!

回復 5# 威仔威

係呀，果d大部份都係大陸艇~

師兄，咁大粒孖倉咪好過引

兩舊大毒瘡啊

話時話,我自從拎起兩條倉影相後,過兩日眉心發起咗粒大毒暗瘡,到近日才慢慢康復中˜

好艇家, 好魚穫. 恭喜.