本應昨晚會出此帖,通知大家我決定不關網,
奈可網站系統因流量負荷問題,令到我都不能進入,
唯有緊急進行主機升級及重新設置...
為大家帶黎不便及"魚樂網"過往嘅部份網上不當內容,我要向各位受影響網友致歉,我個人實在責無旁貸,但呢一刻我亦唔想再講咁多因由...
只想感謝網友,感謝版主手足,網上及來電支持!!
今次關網事件,
有人話係發老皮...有人話我好自私...有人話係大石擲死蟹...有人話我兩隻旦煎燶左...有人話係小圈子作業玩野...有人話係做show...
坦白講...有D係...有D唔係...
我可以咁形容...個網入左ICU,不過死唔去...
呢幾日...睇到好多野,
有人因之前的網上對待宣洩不滿,
有人因追求個人真理,不斷不斷咁反駁,
有人分身表達意見,
當然非常多網友表達對關網的可惜...
我依家最需要嘅,唔係你話我知對唔關網有咩感受,
我需要係各位網友手足嘅配合,
如果唔能夠好好保持網站言論質素,
明天,後天,總有一天,網站都係會死,
唔係入ICU,係會突然死亡...
我好明白,過往好多好多爭議性內容都係一D感性宣洩,不過現實都係無奈,與其糾纏,只看眼前種種,
點解唔諗諗所產生嘅負面影響??
一個網,可以維持高質素運作,主要唔係靠我,靠版主,事實上主要係靠各大網友,
我地係無可能絕對控制到任何人發表任何言論,
不過...大家係絕對可以決定自己對他人言論嘅處理態度!!
記住...無規矩不成方圓,警察火滾都唔可以隨便開槍!!
只要佢係唔違反網站守則,係絕對有自由發表自己意見!!
各位,如願意配合,我好希望大家幫吓我地,
玩野或者唔啱聽唔好理,自問理智就勸兩句,
係勸唔係寸!!!!!
我及版主們亦會認真執行守則,
舊雨新知,一律按規矩辦事!!
感謝大家,
請做好呢場Show!!!
|
提升卡
置頂卡
沉默卡
喧囂卡
變色卡
千斤頂
顯身卡
樓主
show