如果當日有釣魚比賽, 你重會唔會去比賽果區釣魚呢?

我都十分同意如果明知有大型比賽... 非參賽釣手應該盡量避免... 無謂發生不必要磨擦
但諗深一層... 係唔係有任何比賽都要避... 不容許其他釣手作釣呢？

天下第一大比賽出晒海報... 玩晒港島南所有地方... 最後只有10個人參加... 係咁既情況之下，我相信一定有人明知有比賽都會釣魚... 係因為人數同地區比例問題 。
呢個係一個唔會有答案既辯論，一個辯論，如果大家所討論既係建基於同一件事，當然可以討論，但係如果議題本來都出現太多”如果”，咁討論既人又應該如何討論呢？
其實成個議題重點係人身上，而根本唔係事件身上，簡單d講，唔好話比賽，有人釣緊個位，你應唔應該上，呢兩個其實係同一個問題。如果因為比賽而將果個地方私有，係藉口定係自私？！

[ 本帖最後由 gilsonli 於 2008-5-14 19:08 編輯 ]

將心比己, 易地而處...如果我係比賽緊果個, 我都唔想有其他人影響到我...

講道德:就係要尊重主辨單位,尊重人地,尊重自己.
講事實:其實明知果度有比賽都仲去,真係好老襯,尤其是磯釣,因為成海都係誘餌,d魚都未必俾你引到埋來,就算引到,數量都未必多.比賽有時係名位唔一定有著數.

浦克~~已經是之前既事.....經一事長一智....相信各個攪比賽既單位都會有了經驗及安排....算把啦....釣友有權選擇自己想去既釣點...就是咁簡單....無謂再勞氣啦~~

咁樣做只不過是使大家在公平情況下比賽麻,大家都會撞到咁情況,唔通d漁民在參賽者前落網你又可以叫佢唔落咩

我個人有個小建議...

如果大家同意增加宣傳是一個正面方式令非參賽者先知賽區... 避免影響自己影響比賽的話...

我相信本網都有一定數量釣友船家商戶登錄...

希望網主可以多加一行是香港比賽日歷... 內容包括實際地點及參賽人數...

唔知可行性高唔高呢... 擺明車馬好過收收埋埋之後去怪人

大家都是有良心有釣品... 先知後知釣手都不想影響比賽...

又係果句... 防到君子防不了小人...

原帖由 gilsonli 於 2008-5-15 14:37 發表

                               
登錄/註冊後可看大圖

我個人有個小建議...

如果大家同意增加宣傳是一個正面方式令非參賽者先知賽區... 避免影響自己影響比賽的話...

我相信本網都有一定數量釣友船家商戶登錄...

希望網主可以多加一行是香港比賽日歷... 內容包括實際 ...

可以諗諗!!

一字咁淺啦....就係支針拮落邊個到咪邊個痛咁簡單......
比賽者玩緊比賽....有其他人仕到場玩.....可能會影響到比賽者.......相反....
下次(其他人仕)先到場玩緊.....又有其他人到場玩....咁(其他人仕)會唔會覺得人哋咗到佢呢?
浦克.....講真丫.....真係公說公有理婆說婆有理.....
出到街上一地煙頭、垃圾、口水痰......見怪不怪啦.......
不過......有人張垃圾掉係你屋企門口....張煙頭拋係你屋企門口.....吐口水痰係你屋企門口.....我又睇吓你忍唔忍到.......哩D咪叫~~支針拮落邊個到咪邊個痛囉~~

唔會刻意去  亦唔會刻意唔去

如果去左唔會覺得阻住人 (唔會上d有人上左既位)

如果係我去比賽都唔會覺得有人阻住我 (因為有人上左咪唔上囉, 比唔比賽都經常發生)

亦會考慮個比賽既大小型, 如果係大賽 ( 100-200人) 都會考慮唔去

好simple, 我如果知, 我就ng會去.

ng 知到而去左, 可以gae 話米讓下人.

攪比賽大大小小都ng 易, 攪手係釣位以外已有好多problem 要處理. 攪得比賽gae都係想promo 釣魚活動, 參加得都係活動常客, 好多都互想認識. 可以米當幫手lor.

始終海甘大又ng係私人地方, 我想去邊到釣真係無人管得. 就算特登去人攪得比賽gae釣點釣, 重要話比主辨單位知"我專登架!" , 都好難奈得你何. 但以心為心, 今日你比面幫下手, 他日人亦會比面幫下你手. 中國人成日話 人情人情米係呢d野.


anyway, 做人gae 野最緊要過得自己, 其他人點講其實又有乜用..