鯉太，鯉生呢？佢去咗邊？

話說今日終於發現同認清
自己係一個幾咁人面獸心既人……
專搞大肚婆！仲要大唔搞細唔搞，專搞四十幾五十幾(cm)嗰D！搞完仲要影裸照私人珍藏！








鯉太誘惑既朱唇同激怒既視線




我唔止搞大肚婆仲搞其他！見到就搞冇放過！









（人面獸心發言完畢以上如有雷同實屬搞錯）

最近幾次都係番完夜抖陣之後落場

睇標都眼花花睇到落左其實冇落落左又睇唔到
於是為左增加中魚機會夠止痕一個禮拜咁耐
決定連抖都唔抖再早D落場好過

原來朝朝早都有人響橋餵面包
引左堆大鯉魚黎河中心食早餐
成米長既都有
真係釣唔到睇到都興奮
無疑響河邊坐享所謂漁人之利

因為以上原因其中三條鯉係朝早上既

下晝疏口到幾乎打龜……
雖然都會擔心會唔會失足落水做左梧太第日見報
不過結果早落場決定係啱既

雖然已經解決到手短撈箕唔夠長既起魚問題
但係事實上要響壆生撬條咁重磅既鯉魚上黎
除左楂竿既手腕痛之外又要加多樣左手臂痛
依個問題買長柄撈箕都解決唔到
除非釣左比佢甩唔上水……

講到呢度要特別一讚我支又堅又硬既小稻穗450
雖然又重又唔夠尺數
但真係可以令人無憂無慮咁鬥魚起魚（成條鯉咁飛就唔敢啦）
實在係居家旅行收工放學必備良竿


最近應該係鯉魚既繁殖季節
上到既都係粗身大細蘿咁大個肚咁辛苦都出黎搵食
依種精神真係體現到母愛既偉大
希望現實生活中對太太對娘親對身邊大肚既親戚朋友
仲有仲要出黎搵食既大肚同事好D
亦希望各位盡量C&R
比鯉太番去生多D鯉小朋友娛樂下大家啦

今日特別要鳴謝落到河面出手相助
見到我唔知楂竿好定楂撈箕好比條魚舞黎舞去
於是夾手夾腳幫我起左條大鯉魚個位小姐
見佢咁趕時間好似趕番工咁都咁熱心
雖然唔知姓甚名誰（只知條河係伴佢長大佢都有響度釣過魚）
響呢度祝呢位小姐新一年事事如願

今日睇住你上魚, 師姐利害. 睇見你渠口上魚都唔容易. Very nice!
我今日釣唔到鯉, 但我朋友都上左3條, 有條都幾大, 又有力!

睇來好多(母鯉)都會小產:pp6

55cm果條好靚身

師姐，睇你唔出，原來語出驚人

師姐好野!!
專搞鯉魚仔的媽媽
(小鯉老母)

踩!!!!年30晚講d咁既野
吐吐!!!!吐口水講過

今日睇住你上魚, 師姐利害. 睇見你渠口上魚都唔容易. Very nice!
我今日釣唔到鯉, 但我朋友都上左3條, 有條 ...
highbeam 發表於 1-2-2011 21:04

                               
登錄/註冊後可看大圖

highbeam兄
你發唔發覺


「有中南海的地方
就係有highbeam兄的地方」

D鯉魚好大條呀!!!

highbeam兄
你發唔發覺


「有中南海的地方
就係有highbeam兄的地方」
hideson 發表於 2011-2-2 11:31

                               
登錄/註冊後可看大圖

Ha ha , 釣時的最佳伴侶....亦係最平.

下次見到有中南海的地方, 就可能見到highbeam了!!