簡單任務??

上年大概10月左右,開始學釣烏頭,初時真係抓晒頭,唔知點去釣、泳層有幾深?烏頭嘅魚訊係點樣?好彩得朋友及魚排上一D師兄指點,第一次專攻烏頭己嘗甜頭,有2條收獲。有一次睇住個朋友上條2斤14、2斤10時;當時自己諗如果係自己中又上唔上倒呢?
直至農曆年後兩次上三門仔魚排釣烏頭;一次打龜、一以得一條十幾兩 27号星期日又約朋友上去釣,仲遇見筏釣區其中一位版主「華少」當然上去打招呼傾兩句啦!
再講吓釣况,幾個通頂嘅師兄有幾條收獲外,日間只有三、兩條烏頭被釣上,而當時小弟收獲仲係「O」。到大概3時左右,「華少」走,走前仲叫小弟有收獲就post上網,當時小弟就答:「我D釣技好削、冇乜幾可有收獲 」佢就話:「比D信心自己!」
到黃昏5時,只走剩幾個人、小弟及我朋友,竿先傳來一吓輕細嘅魚訊、跟住又再一吓同一模式嘅魚訊,當時决定「抽」,嘩!垃圾?仲要係抽得郁嘅垃圾 因為當時只係釣7尺深,向吓一睇;今次咁「大碌」 可能釣得淺;抽竿時己抽起魚頭、條魚跟住上,程現9O度魚頭向天嘅狀態,魚頭只距海面2、3尺,可謂「四目交投」當時見倒條烏頭咁大條都嚇一驚!跟住腦海一轉、如果比佢開倒尾想上到嘅機會好微,唯一方法就係鬥「快」 !即時快收多一手;魚頭已到水面,撈網一抄,中呀、中呀、入網! 條烏頭被撈入網後才如夢初醒!大力扭動及拍打 而我支60元鋁質撈箕欏絲接駁撈網框位「卜」一聲爛咗! 條魚連撈網框同時跌下!好彩跌在石班養殖網上面嘅帆布上、幸保不失。就係咁呢條「老烏」就比我生擒咗 過程由抽竿至撈魚唔夠十秒,呢條「老烏」遇倒我真係「灰」真係「盲拳打死老師傅」
釣具:SAKURA海彥1.3m  SHlMAN01000XT橫攪
釣組:#2T0RAY碳絲直出   #2CHlUN鈎  鈎頂2吋一粒4B夾鉛
釣餌:麵包

5磅10安士(大概4斤4両、已放血)全長尾內义56cm(另外3條係朋友中)

嘩...好q大碌呀
如果佢開尾發難一定飛到好堅

人地一家4口比你釣左上黎.......真係慘牙....哈哈

原帖由 a.. 於 2008-4-28 22:50 發表

                               
登錄/註冊後可看大圖

嘩...好q大碌呀
如果佢開尾發難一定飛到好堅

我諗都係喇~~~
一定好很堅

原帖由 a.. 於 2008-4-28 22:50 發表

                               
登錄/註冊後可看大圖

嘩...好q大碌呀
如果佢開尾發難一定飛到好堅

真係好大碌!若果比佢開尾先或在較深層中多數上唔倒!

師兄~~恭喜釣到條鯇魚(巨烏)呀~~
我早排都走左口呢D SiZE~~ 入左網跳番出來....................灰
華少佢有無釣到魚呀!!

原帖由 乂大眼仔乂 於 2008-4-28 23:05 發表

                               
登錄/註冊後可看大圖

人地一家4口比你釣左上黎.......真係慘牙....哈哈

有3條係朋友中!一家4口比我釣咗上嚟??多D上魚排睇吓!成村搬返屋企都見過!啤~啤~啤~吹Q脹

我都經常上呢處釣魚,有機會一齊去釣丫!!

原帖由 hoo0o0ooh 於 2008-4-28 23:15 發表

                               
登錄/註冊後可看大圖

師兄~~恭喜釣到條鯇魚(巨烏)呀~~
我早排都走左口呢D SiZE~~ 入左網跳番出來....................灰
華少佢有無釣到魚呀!!

冇問到華少有咩收獲!(因為當時努力緊!要「零」的特破)比佢跳番出嚟!?係咪自己帶撈綱去(魚排果D太細、淺)其它人唔知;點解有公家嘢用而唔用,唔係因為常有大魚中!網闊而網袋深係易入網和冇咁易跳番出嚟!但係真估唔倒支平價嘢頂唔住幾斤魚!
祝下次好運

原帖由 hoo0o0ooh 於 2008-4-28 23:23 發表

                               
登錄/註冊後可看大圖

我都經常上呢處釣魚,有機會一齊去釣丫!!

下次見到你我會同你打招呼!