大尾魷最正確的放生方法

好多人都唔識大尾魷真正既放生方法
以為自己將隻未死既大尾魷放返落海就係放生
但小弟日前同高田先生學完 EGI 之後先知
原來連放生都有好多學問

正如大家好多都知道,釣到大尾魷上黎唔好放佢落地下
因為大尾魷對溫度濕度好敏感,放響地上好容易死
但佢地敏感既地步我諗係好多人都低估左既
就係連我地既體溫都會對佢地做成嚴重既傷害
我地用溫暖既雙手去掂佢,情況就等如有人用燒到紅晒既鐵黎辣我地一樣
所以有心放生既就盡量響唔好掂隻魷既情況下放生佢
真係要用手既就將隻手濕一濕水先,令到隻手夠濕潤同埋涼快D先好掂
(以上呢點放生魚時都要注意)

另外釣到大尾魷上來佢都會吸入大量空氣
好多人放生時見到隻魷初頭會響水面度游
之後有經驗人士就會話"等隻魷放返啖氣出黎就OK架喇,唔洗理"
但原來果啖氣都足以令到大尾魷致命
可能見佢游返落海底大家就以為佢無事
但其實好快就唔知響邊度死左
所以我地想放生既人就要確保釣上黎之後既大尾魷
佢排出晒身體入面既空氣出黎先放返佢落海
而幫佢排氣既方法好簡單
就係將佢頭朝下,鬚朝天咁樣定住佢
佢啖氣就會響體內谷下谷下
當佢咁樣排出晒所有空氣既時候就可以放返落海喇

主要係呢D,無錯係會令大家想放生時浪費多好多時間
但如果真係有心想放佢地一條生路既就唔怕做多小小野啦,功德無量呀
講真我之前以為自己放生D魷,做到C&R好偉大
點知自己好可能已經係好多大尾魷既殺魷凶手,唉...........
希望睇完呢篇文章既師兄師姐們唔好嫌多字,唔好嫌真正既C&R麻煩
亦都希望C&R精神感染到多D人啦

good...

上了一堂!!謝

多謝你的分享....給大家學到正確的放生技巧

原来系样.....

如果用八爪钩 钩距上来 再放生,唔知会晤会S呢?

原帖由 喜力 於 2008-4-18 13:13 發表

                               
登錄/註冊後可看大圖

原来系样.....

如果用八爪钩 钩距上来 再放生,唔知会晤会S呢?

大尾魷俾勾勾到所受既傷害同以上我所講既相比其實係黎得細好多
所以大家落勾時盡量瞄準D鬚其實對隻魷唔會做成咩長期傷害
咁鐘意C&R既日本人都出左王樣印搭勾去勾魷魚啦
最緊要唔好勾到佢D器官就得架喇

原帖由 順仔 於 2008-4-18 13:22 發表

                               
登錄/註冊後可看大圖

大尾魷俾勾勾到所受既傷害同以上我所講既相比其實係黎得細好多
所以大家落勾時盡量瞄準D鬚其實對隻魷唔會做成咩長期傷害
咁鐘意C&R既日本人都出左王樣印搭勾去勾魷魚啦
最緊要唔好勾到佢D器官就得架喇 ...

如果係想放生,我依然覺得用撈箕較好!!

真係唔講唔知..有這麼多學問   謝謝分享

多謝樓主分享，
希望以後放生既都達到真正既目的！

我放嗰陣通常由桶尖側側哋滑入水，等佢所吸入既空氣可以向上排出，咁樣唔知有無幫助？

[ 本帖最後由 貓貓樣 於 2008-4-18 13:34 編輯 ]