魚排你落過水嗎??

一塊濕滑既木板
一個濕滯既釣友
半邊燒鵝脾落海
以為無事痛一陣
返到屋企好鬼痛
條女一睇淤Q晒

我就係芝麻灣私排到試過啦~~
果次同d朋友玩完通頂~
之後可能唔夠訓~
想轉隻走人既時候~
叉左係兩條木方既中間~
隻大脾(魚)曬~~
好似試過4~5次~
不過都係好耐之前~
又有試過訓左係個魚網到~
好在唔係訓左係d大魚仲果d~

10幾年前小學2 3年級到啦
同阿媽同埋佢D同事去三門仔魚排上面BBQ
大人吹水 細路仔無聊 就走左去問魚排個叔叔拎左個手排
再拎左佢地未燒既蝦 走到最出既木方到釣魚
一坐就坐左好耐 之後坐到腳脾 就踎左係到
踎左唔夠幾秒突然隻手一沉
成個人就失左重心 中左落水到
嚇到成班大人衝左過黎 我仲揸住個手排 踩緊水
畀人捉返上水後 個叔叔幫我收返D絲
之後就見到隻掙扎緊既班 跟住上水.........

我就畀人省左一餐 隻班就畀人做左晚餐

各師兄咁多落水經驗
如果遲d有時間的話,又可以開個topic傾下
"唔識游水應否上漁排釣魚":rr1>

跌過 2次，第1次上個新既光頭排通頂，中魚之後起身，1轉身點知後面係斷尾橋板，半身落水，第2次主場通頂，橫風橫雨，諗住收竿避雨，點知向後行一步，落左生倉，又係半身濕

無見過,無試過,但見過兩朋友在機釣趺落水,平安回來

我冇去過魚排，但都試過一次冼落水，果次玩磯釣，因為久久都未有魚訊，所以周圍睇野，點知發覺腳下幾尺深有隻大蟹，隻蟹真係好大！咁我就用支磯杆黎釣佢，我係左手渣杆，右手渣絲，當手絲黎釣蟹！越釣越投入，自己落左石，點知哩個時候．．．．．．我發覺自己原住舊石冼落去，下半身濕了，電話壞了，蟹都走了．．．．．．腳都比貝殼介傷了！哩次之後自己都怕怕！有陰影！仲比朋友笑．．．．．．唉．．．．．．大家釣魚要小心！

上星期釣魚，都見一個女釣友，玩手杆，不小心都跌落石，十分危險！

濕身，壞電話都不是大問題！受傷同生命危險才是大問題！小心小心！！

師兄可唔可以PM塔門魚排電話給我,THANKS!

原來有咁多人試過釣魚時行下水禮o既經驗 ...
財物報銷唔緊要，最緊要係人無事，大家真係要小心d。
﹝各位o既經驗對我呢個新手來講真係好有幫助，以後上排我會打醒十二分精神﹞

試過一次，喺三仔老馬嗰度，夜晚9點零，攞発仔回右腳差咗落個竉度，成隻右脾瘀晒，好Ｑ痛，本來通頂都頂唔順要番歸。仲痛咗成2個月