西貢某魚排

今日一行9人去魚排玩, 有friend帶左去西貢某魚排, 初期無特別, 有D魚毛消餌, 中午左右中條疏羅, 跟住到午飯時間就大鑊, 開始有D細船, 遊艇駛入黎泊排食飯, 最弊全部亂咁黎, 係個排中間照插入黎, 期間不停大小船隻穿梭魚排中, 蔚為奇觀, 重繁忙過維港,  全部人俾佢地剎一個措手不及, 搞到無Q晒癮, 大佬果度成30,40呎水, 攪到又收又放, 好似出左南油玩Jigging咁, 有友人提出不如去叫野食, 我就話不如攞塊鐵板出黎用好過, 都好啦橫掂無魚釣又辛苦成日收絲避船, 好彩我都叫精靈一路食一路睇住, 因為知道D人無性, 突然間食食吓麵受到第六感駒使抬頭一望, 成隻40, 50呎遊艇沿魚排中間直標入黎, 本能反應立即放低碗麵跟住一個箭步衝前, 點知有一個黑影俾我更快, 原來係條員工見到有客到, 說時遲那時快, 條員工二話不說, 將我地D魚杆掉落地下, 我即刻氣提丹田大喊一聲叫條契弟停手, 喂大佬磯杆黎架, 你估晾衫竹啊, 跟住即刻又一條狗哥搖住條尾行過黎, 佢隻畜牲以為有客到即刻一輪咀咁係到介紹今日有D什麼生猛海鮮, 什麼撚手小菜, 見佢口沬橫飛十足職業孝子咁款, 點知船上班友重??, 泊埋黎唔知想點, 又唔熄幅偈, 我見船上有老有嫩, 好似係度獻世咁款, 又唔係上排食飯, 都唔知做mud Q, 眼見兩條茂利員工有如遭受主人責罵的小狗般極之無引地走開, 我地見無野玩就收杆走人, 連個位都比埋佢地慢慢泊, 今日好似以為自己去咗深水灣遊艇會咁, 以後一定唔會再去果度釣魚, 就算大咬都係咁話。

[ 本帖最後由 yau. 於 2008-3-23 20:32 編輯 ]

我一定唔會去~~~~~~!!

師兄,咁嘅經歷都算慘,唯有下次唔好去....
我就不便批評人家點做生意,
都係果句...顧客眼睛係雪亮!!

**你個帖我要修改少少,請了解!!**

咁都得 , 如果係咁就唔應該俾人上排釣魚啦,
c兄係地d竿冇勿野呀 ,

果度真係好繁忙架, 一陣又有人滑水,潛水. 仲有, 上次有隻遊艇懶型咁drift 埋黎泊位, 點知個引擎掃落其他艇頭, 幾想指住佢黎笑.

[ 本帖最後由 helloboyfl 於 2008-3-23 20:19 編輯 ]

但我想俾其他釣友知, 等網友唔好再領野, 有無好方法????
加多幾個X可以嗎??????

原帖由 yau. 於 2008-3-23 20:18 發表

                               
登錄/註冊後可看大圖

但我想俾其他釣友知, 等網友唔好再領野, 有無好方法????
加多幾個X可以嗎??????

唔駛喇,大家一睇都心裡有數!!

多謝關心, 好彩無事

果度d 假3刀都賣成 $120 條架.

應該係$150, 用包公係度扮3刀
真係無性