|
某年某月某日, 話說正在傻痴痴等那打沉底的魚訊的我(其實成年都係甘白等),
忽見一大叔徐徐步下石駁, 難度是想不開的人要下海作了結乎?
非也, 當他到達水邊前1塊乾石就停下步來, 背向我,
雙手放在下跨至肚腩位置, 不停上下上下地活動, 該燴羅……….
唔係嗎? 巳經20分鐘不停重覆, 真是老當益壯西利西利羅. 忽然見他一下大動作, 啊了一聲, 往上一揪, 出來了 - 是條黑孟孟的條狀物體…………. 他跑上平坦的直駁, 將佢條野放於地上, 雞手鴨腳地攪來攪去,
原來是條斤頭油追, 見他解得甘論盡, 就過去幫他解脫(鈎)吧!
大家嗲了兩句, 又各就各位自幹活去, 奇怪的事情, 發生左啦! 大叔繼續chok 下chok 下, 又拉一條上來, 又一條, 又一條…….. 計下計下, 巳經是第7條了! 終於見他面有倦怠, 停手了. 此時他正為那些追追懊惱不巳, 因他是用個中型洗衣粉桶仔, 久不久蛇仔便探頭出來, 他就用腳踏打, 逼牠回頭別逃跑, 好不滑稽也……..
此時見他雙眼發亮, 含情脈脈地打量著我下半身, 差的就想宥手打七佢. 喎, 原來佢睇中我腳邊隻大桶, 想用隻細桶同我交換,
於是四目交投, 口水來口水往, 交交流, 套套料, 仲唔俾我摩清你個底!
轉用大桶, 7條追追立時變得好少野, 於事乎, 他又跑往直駁的右邊, 又是角位的石駁, 重覆剛才的動作,
更奇怪的事發生左啦!
又一條, 又一條………又上八條, 2個鐘內上了總共15條油追, 最細斤頭, 最大2斤零. 用好簡單的方法, 用好簡單的架生, 取不平凡的收獲! 此時, 但見他目露凶光, 從地上撿來破舊大木條, 將追追統統倒在地上, 一條條用木條打頭, 鑑生打死………… 只見他殺得性起, 大有遇佛殺佛, 遇神殺神的氣焰, 小弟實巳不敢看下去也.
以上是現場直擊報導, 而案情分析詳見附件 BH253.76C | 
[複製鏈接]
顯身卡
