唔米嘛！咁鬼勁！亞B又破左紀錄！

唔米嘛！咁鬼勁！亞B又破左紀錄！
日期:19-11-2010
地點: 香港東面水淢
天氣:東北4級
**下午2點幾后海灣2.8級地震**

今日一早吃過早餐，亞B就同我講:{有無帶相機，記得同我拍片}
佢唔通有預知能力，知道今日會破紀錄......................
上到艇，艇家都同我地既諗法一樣，想去攪下D馬友先，
但係釣左幾寨，影都唔見，淨係頻頻鉤到網，
可能太多魚網，所以唔埋黎........
之後，我地轉左去釣紅班排，
釣左幾寨，比我地釣到3條，真係算唔錯，
時間真係過得快，中午流水開始慢，差不多退定，
戲肉就開始，通常慢流，石鰲就出動搵食！
亞B頭威頭勢，第一口就食佢，頂左兩、三手就斷左，
跟住JACKY又中，又斷左，........唉，點解唔咬我呢?
番寨又到艇家中，頂住上，放左一手就硬砌佢上黎，
上水喇！原來5斤幾細鱗，勁！
跟住亞B又斷，今次玩左30秒....................
亞B喊咁口換左副粗絲又隊佢
唔駛講，又咬佢，今次睇黎唔係10幾野，
上上落落，頂到亞B面紅耳熱，
艇家就一路開艇追，上左幾手又落番幾手，
玩左幾分鐘，都跟本無上過，亞B話好似拖住洛威拿咁，
艇家只好一路追，真係左左右右前前後後，
條片都睇到隻艇係咁追同打轉，
幾分鐘後，我見條魚上左6,7手，
我就開機拍片，因為條魚未離底都好易過石斷，
過了3分鐘，條魚應該敵唔過亞B既騏驎臂，乖乖上水，
當我鏡頭追到水面，不得了，四圍D魚仔都跳起，
一片銀白色影慢慢浮上水面，好鬼巨......
wyman拿拿聲撈魚，差D兩個人唔夠力搬上艇！
勁！條魚個頭同人差唔多大，
如果依條係黃鰲，亞B可以換架新車，可惜..........
下午2點半後成個海就靜哂！咩魚都唔開口，
原來后海灣2.8級地震！一地震D魚就驚到唔開口！
好在地震前都釣左半倉魚，之前試過地震得幾條魚仔。
影相果陣，其他魚變哂魚仔，兩斤紅班好似石狗、5斤幾細鱗變左細魚、
黃花變埋或仔！
快D睇下亞B表演.........Action~~

有冇片放上黎睇下...

釣手勁！艇家更勁！一個好勁既團隊！

嘩...把尺都唔夠長...勁呀

今次真係破左紀錄, 之前連續兩條都繼絲, 後來換左 40 磅膠絲主加 16 號碳腳再中,

收左兩手就感覺同平時中石鰲的力度一點都唔同, 所以都唔敢同佢硬頂
,
艇家就馬上開艇幫我追魚, 盡量保持條絲直, 唔可以太斜, 否則就好容易過石界繼線.

唔該晒 TC 幫我拍片及拍照, Wyman 幫我撈魚, 艇家幫我追魚 !!

恭喜,CHING太強!!

B哥..........利害!!! 恭喜!!恭喜!!

利害, 利害

嘩大到丫

厲害哇