大家為什麼而釣魚?何謂釣魚高手?

睇到好多釣魚書大都只系報導釣獲,睇到悶死人一d釣技分享都無.大家為什麼而釣魚呢?要釣大魚?釣到大魚就系高手嗎?大家點解會愛上釣魚活動呢?

智兄,
點解有咁大感觸呀?
釣到大魚唔一定係高手,但就可以認呀嘛.哈哈.
至於好多釣魚書大都只系報導釣獲,很少分享釣技,原因係各師各法,寫左出來都驚俾人單打啦.係我哩d咁既人先夠膽咁做既啫.多多指教.

最近都見到好多人都系為左釣獲而釣魚,忘記左釣魚的真正義意和樂趣,吾單只系磯釣,連最近十分盛行的拖大尾魷都有這問題,大小通殺遲d都吾知仲有咩可以有得釣.

好多時人係會被勝利(魚獲)而沖昏頭腦, 不其然就會以數目多為勝.....大小通殺! 而忘記得到成果的過程.
而我雖然好多時都釣唔到魚, 但卻在釣魚過程中得到樂趣 (望住個海好Relax)

閒來沒有甚麼嗜好,想空閒間有點作為,研究一吓釣式,做點漁具,所以去釣魚.
作為高手,當然看出擊率之收穫比,老是出擊中不到魚,可言高手,中魚當然是指有食用裝大小,次次海邊中魚仔,當然不算.
愛上釣魚是因為,在海邊吹吹風,看看海景也會心情好.

我喜歡斷魚多過拿魚回家吃,因為喜歡享受釣魚過程.

我都曾經都因為花成日時間釣唔到魚而好苦惱....
當得失睇得太重要,好似完全忘記左釣魚真正嘅樂趣....
到左依家我都叫做過渡左呢個時刻,
好多時無收獲果陣,就係思考嘅好時機....
有時諗吓對應方法,慢慢研究...
有時就思考吓其他問題....
有時就欣賞一草一木一石....
或者更正嘅就係影吓相....
每一樣野都係我整個釣行嘅組成部份..
希望每位喜歡釣魚嘅朋友,都唔好只將重點放喺釣獲,
不妨睇闊D,假以時日你就真正享受到釣魚樂趣!!

在我眼中人人都係高手,只有用“心釣魚,人人都可以係高手!
只不過人們思想總是這樣想:未出名前叫釣友,出左名就叫高手,有錢買貴野釣魚又是高手,冇錢買貴野只用平價釣具釣魚d人又叫釣友!
典解大家唔可以括達d呢,釣魚只不過是尋開心,過下手引便算囉!重乜要分高低手呢?

我記得以前有篇文章提過何謂釣魚高手與釣魚殺手,內容好抵死......
但我覺得釣魚人的釣品比釣魚技術高低來得重要,釣品差,話之你釣得幾叻,我就睇唔起,其實一個喜歡釣魚的人,品性應該不會太壞.......

[ 本帖最後由 鄧波比 於 2008-1-31 00:50 編輯 ]

何謂釣魚高手?如果真係要講,就只有魚獲及中魚機率可以評定,絕對無他,大家唔使拗.只要你去日本約齊全班日本名釣手,場場釣魚多過佢,大過佢,比賽贏晒佢.就一定係高手.驚天動地,無可置疑.
無論你寫得幾好既文章,講得幾咁有邏輯,做得幾有姿勢,教得幾有系統,只要你無中過魚,我地統統稱呼果類人叫,老作,吹水佬,有姿勢無實際,人之患等待.我相信無人反對.

至於大家為什麼而釣魚?
我地中得魚多,自然可以風涼一番,又話保育,又話放生.但係自己手上放過既魚,浪費過既魚有幾多,心裹有數啦.
但大家回想當你10年前,20年前第一次釣魚,比較番今時今日既新手心態,釣魚為咩,有咩分別 ---都係想釣到魚.
香港既釣魚雜誌,主要類似一本x週刊既八卦雜誌一樣,唔講d藝人動態,唔通講佢地用咩方法做好場戲,點樣做得迫真呀.
就好似一本鹹書,唔俾d毛,唔俾d做愛相,淨係大篇幅用文字教讀者點去做愛,邊個睇.
咁講好似好激,但哩d話題有咩結論,無人知.
我地老一輩無錯係要提倡保育,要多d指導新人.
但我始終果句:

無須固執,毋庸爭拗道德,釣魚保育難分得失.