三杯酒公眾碼頭夜水撞鬼

自今次事件後，我唔敢再夜晚去無燈既偏靜碼頭釣夜水．

我不時都會去三杯酒公眾碼頭，果度比較近，環境又唔錯，
自從近排東北風起又凍左後，果度日水收獲差左好多，
所以昨日就決定試一試黃昏及夜水．

昨日我同女友一齊去，約5時到達後，在場只有3名師兄係度釣緊，東北風吹得好勁，果度食晒風吹過唔停．
見佢地都係完全打龜無釣獲，到了六時天色已暗時他們都執拾離去，餘下我同女友兩個人，
我地有準備，都拎出頭頂燈及露營用燈出黎，碼頭作釣位置都可睇得清楚．

我Fit左兩粒鐘都完全無反應，於是同女友講會提早８點走人，
此時突然支竿被大力扯向海，呢種感覺唔似係中魷中墨，好在我本來渣得好實，立即抽再攪上黎，甩左．

於是我地都好興奮，以為唔知有什麼巨物，再繼續拋出去再Fit，
呢一槍拋出去後，風停左無再吹，突然有一下好似平時中魷既感覺，於是攪上黎啦，
但係攪唔郁，好似Kick石咁，但係當我唔再攪，隻攪又叮叮叮叮響，條線又慢慢被拉出......
再用力攪，又攪佢唔郁，放番條絲又係慢慢被拉出，都唔知係什麼，我諗kick石唔會咁樣被拉出架？
於是放杯就咁用手拉條絲，點知一用力拉就甩左，我幾乎企唔穩跌係度，
扯上黎見到隻蝦勾左D類似墨魚既軟體肉組織上黎．

此時我向坐係度既女友講，唔知係唔係有大野呢，我女友就話叫我繼續努力加油，
點知佢呢句講完後，就聲調變得好凝重地講：而家執野走啦！
我問佢係唔係唔舒服，發生什麼事，佢就話：我見到ｄ野，快ｄ執野啦．

於是我地兩人就拿拿林，執好野走人，走到出去小巴站時都只係夜晚7點幾．

上車後我女友就講佢見到什麼：
當時我同佢講中到大野時，佢本來已聽到個碼頭不斷發出好頻密的砰砰砰砰聲，
向我果邊望來時，見到有隻鬼企係我後面，怒目地望住我.....

當時我企既位置係果個小燈塔位，如果有膽大百無禁忌既師兄，
不妨夜晚去試一試果邊既位置，睇下係唔係有大野中吧．

唔係吖嘛!!!!鬼佬鬼節都咁猛???我重以為佢地去晒海馬公園添!

唔係吖嘛!!!!鬼佬鬼節都咁猛???我重以為佢地去晒海馬公園添!
panada88 發表於 2010-10-31 09:31

                               
登錄/註冊後可看大圖

我都以為係咁.............又唔係鬼節，時間咁早都可以咁樣...

不過信既就信，唔信既當故事睇啦．


不過其實我係未講得晒全部，因為我叫女友唔好形容清楚當時見到既所有野出黎．
佢一講到有隻鬼企係我後面怒視著我，我就叫佢唔好再講了......

你仲唔去搵個師父問下點解隻野跟住你?

C兄
叫你女友講詳細Dㄚ.

你仲唔去搵個師父問下點解隻野跟住你?
TinTin 發表於 2010-10-31 11:00

                               
登錄/註冊後可看大圖

隻野應該唔係跟住我～

好在昨晚返到屋企，到今日都好正常，無其他病痛唔舒服。

我都聽一個真人真事
個朋友多年前「X貴」釣夜魚
一行二人
又係以為自己中巨物收又收吾度、又係甘出絲
當佢地努力緊時忽然聽到有把聲話
「拉救未呀、你知吾知俾人勾住個咀好痛架」
衣家都吾敢去果到釣夜魚

講到好恐怖咁..有d怕

C兄
叫你女友講詳細Dㄚ.
awcw 發表於 2010-10-31 11:01

                               
登錄/註冊後可看大圖

我唔想知得太多，以免之後夜晚都怕黑，所以叫佢唔好再講，
佢今日都仲想話晒出黎俾我知，但我都係叫佢唔好講啦......

我暫時只係知道有隻野企係度，以及好密集連續砰砰砰砰砰有Ｄ似裝修咁既怪聲。

我都聽一個真人真事
個朋友多年前「X貴」釣夜魚
一行二人
又係以為自己中巨物收又收吾度、又係甘出絲
當佢 ...
awcw 發表於 2010-10-31 11:17

                               
登錄/註冊後可看大圖

如果我之前知道呢件事，我昨晚實會即刻剪線走人...........